Անկրկնելի Հայաստան

Դիմավորում օդանավակայանում։ Տեղափոխում ընտրված հյուրանոց։

Գիշերակաց Երևանում

Նախաճաշ հյուրանոցում։

Շրջագայություն  հին (29 տարով ավելի հին, քան Հռոմը) և միևնույն ժամանակ ժամանակակից գեղեցիկ  երևանում։ Զբոսանք  քաղաքի կենտրոնում, որ ներառում է ծանոթացում  Հանրապետության հրապարակի, Հյուսիսային պողոտայի,Աբովյան փողոցի,  օպերայի և բալետի շենքի,Կարապի յճի հետ։

Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։: Կասկադի վերևից՝ Մոնումենտից, բացվում է հիասքանչ տեսարան դեպի քաղաք և   Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:

Գիշերակաց Երևանում:

Նախաճաշ հյուրանոցում։

Ուղևորություն դեպի Հայաստանի հյուսիս, Լոռու մարզ ՝ Հաղպատի և Սանահինի վանքեր, որոնք ներառված են ՅՈՒՆԵՍԿՕ-ի համաշխարհային ժառանգության ցանկում (1996):

Այցելություն  Հաղպատի վանք (10-րդ դար), որը գտնվում է կիրճերով շրջապատված փոքրիկ բարձրավանդակի վրա: 10-13-րդ դարերում այն ​​եղել է Հայաստանի հոգևոր և մշակութային կենտրոններից մեկը: Այստեղ ուսումնասիրել են հումանիտար գիտություններ, աստվածաբանություն, զարդարվեստ և ձեռագրագիտություն: Որոշ ժամանակ Հաղպատի վանքում է ապրել  հայ մեծանուն աշուղ և բանաստեղծ Սայաթ-Նովան, որի կյանքի մասին Սերգեյ Փարաջանովը նկարահանել է հանրահայտ «Նռան գույնը» ֆիլմը: Նկարահանումների մի մասը տեղի է ունեցել այս վանքում:

Շարունակելով ուղևորությունն՝ այցելում ենք Զարնի Պարնիի քարանձավային-ամրոցային համալիր,այնուհետև տեղափոխում դեպի Ախթալայի ամրոց: Այստեղ կառուցված Ախթալայի վանքը (12-րդ դար) յուրահատուկ է իր պատերի լավ պահպանված որմնանկարներով։ Այցելություն Արամյանցի ամրոց։

Հաջորդ կանգառն  Սանահինի վանական համալիրում է (10-րդ դար)։ 12-րդ դարում Սանահինում կար բժշկական դպրոց, որտեղ ուսումնասիրում էին մարդու անատոմիա և ֆիզիոլոգիա։

Վերադարձ դեպի Երևան։

Գիշերակաց Երևանում։

Նախաճաշ հյուրանոցում:

Այցելություն Ամբերդի ամրոց՝ միջնադարյան ճարտարապետության ուշագրավ հուշարձան (11-13-րդ դարեր): Հեքիաթային գեղեցկության միջնաբերդը խոյանում է է կիրճի վրա: Արտաքինից ամրոցը շրջապատված է հզոր  աշտարակներով կառուցված բերդապատով:

Այստեղ ամեն ինչ ծառայոլ է պաշտպանական նպատակներին: Ճարտարապետությունը պարզ է և խիստ: Ամբերդն ուներ երկու ջրամբար և սեփական ջրամատակարարում: Ամրոցը Պահլավունի իշխանների տոհմական սեփականությունն էր: Հնավայրի տարածքում է գտնվում Ամբերդի եկեղեցին, որը կառուցվել է 1026 թվականին:

Այցելություն դեպի բարձր լեռնային Քարի լիճ, որը գտնվում է Արագած լեռան չորս սուր գագաթների միջև ձևավորված խառնարանում՝ ծովի մակարդակից 3207 մ բարձրության վրա: Արագած լեռը Հայաստանի հանրապետության ամենաբարձր գագաթն է (4090 մ): Նախալեռնային հովիտների և լեռնաշխարհի գեղեցիկ բնապատկերը դեպ իրեն է ձգում  ճանապարհորդության և լեռնագնացության սիրահարներին: Ամռանը լանջերը ծածկված են կանաչ, ծաղկավոր մարգագետիններով: Ձեր առջև բացվում են ծաղկահովիտներ, այնքան գեղատեսիլ, որ նրանց գույների  պայծառությունն  թվում է անիրական: Այստեղ կարող եք գտնել նարդոս և բալասան, եղեսպակ և ալպյան երիցուկ, վայրի սամիթ և այլ ալպյան խոտաբույսեր: Արագած լեռնազանգվածը Հայաստանի համար անսպառ  ջրի աղբյուր է:

Հաջորդ այցելությունը  չորամրգերի և էկոլոգիապես մաքուր արտադրանքի գործարանն է: Այստեղ արտադրում են  առանց շաքարի և հավելանյութերի օգտագործման չորացրած մրգեր, ինչպես նաև չորացրած բանջարեղեն և չիպսեր:

Ուղևորություն դեպի Սաղմոսավանք, որը գտնվում է Քասախ գետի գեղատեսիլ կիրճի ժայռոտ բարձունքի եզրին: Սաղմոսավանքը թվագրվում է 1215 թվականով, երբ իշխան Վաչե Վաչուտյանի հրամանով այստեղ կառուցվեց  Սուրբ Սիոն տաճարը:

Այցելություն Այբուբենի այգի, որը փոքրիկ հրաբխային ծագման սարահարթ է։ Այստեղ  ներկայացված են հայոց այբուբենի բոլոր տառերը՝ փորագրված մարդահասակ տուֆ քարերի վրա։ Տառերը տարբերվում են միմյանցից իրենց գեղարվեստական ​​​​ձևավորմամբ։ Բնական ձևով ցրված հարթության վրա՝ հրաբխային քարերի մեջ, դրանք կարծես հեռավոր անցյալից լինեն։ Զբոսաշրջիկները սիրում են սելֆիներ անել իրենց անվան առաջին տառի ֆոնի վրա։

Վերադարձ Երևան։

Գիշերակաց Երևանում

Ուղևորություն  Արարատյան դաշտավայրով դեպի Խոր Վիրապ վանական համալիր։ Այստեղից բացվում է Աստվածաշնչյան Արարատ լեռան եզակի գեղեցկության համայնապատկերն՝ իր ձյունաճերմակ գագաթներով։ Սրբավայրում է  զնդանը,ուր Գրիգոր Լուսավորիչը 13 տարի բանտարկվել է Տրդատ թագավորի հրամանով՝ Հայաստանում քրիստոնեությունը տարածելու համար։ 301 թվականին ազատ արձակվելուց հետո Գրիգոր Լուսավորիչը օծեց  հայ ժողովրդին, և քրիստոնեությունը Հայաստանում ընդունվեց  որպես պետական ​​կրոն։

Գրիգոր Լուսավորչի բանտարկության վայրում հետագայում կառուցվել է Խոր Վիրապ եկեղեցին, որը դարձել է սրբավայր ողջ քրիստոնեական աշխարհի համար։  Գրիգոր Լուսավորիչը սրբադասվել է և համարվում է Հայ Առաքելական Եկեղեցու հիմնադիրը: Եկեղեցում պահպանվել է զնդանը, ուր հնարավոր է իջնել աստիճաններով և ուսումնասիրել բանտարկության վայրը:

Խոր Վիրապին հարող բլուրների վրա է կառուցվել  Հայաստանի հնագույն մայրաքաղաք Արտաշատը, որը հիմնվել է մոտ 180 մ.թ.ա. Արտաշեսյան արքայատոհմի հիմնադիր Արտաշես Ա թագավորի կողմից։ Հատկանշական է, որ Արտաշատը այն սակավաթիվ հնագույն քաղաքներից է, որը կառուցվել է հատուկ նախագծով։ Հատակագծի հեղինակն Կարթագենի նշանավոր զորավար Հանիբալն էր, ով ապաստան էր գտել Հայաստանում Հռոմի դեմ պատերազմում կրած պարտությունից հետո

Շարունակեք ճանապարհը դեպի Ազատի ջրամբար, որը Հայաստանի ամենագեղեցիկ և կարևոր նշանակության ջրամբարներից  է։ Այն  գտնվում է Արարատի մարզում՝ ծովի մակարդակից 1050 մետր բարձրության վրա: Կառուցված Ազատ գետի վրա, այս ջրամբարը զբաղեցնում է 2.85 քառակուսի կիլոմետր տարածք և ունի 24.5 մետր խորության: Այն ոչ միայն տպավորիչ է իր չափսերով՝ լինելով չորրորդը երկրում, այլև կարևոր դեր է խաղում բերրի արարատյան  դաշտավայրի ոռոգման գործում: Ջրամբարից  բացվում են հիանալի տեսարաններ դեպի շրջակա լեռներ և դաշտավայր:

Ուղևորություն դեպի Գառնի գյուղում գտնվող Արևի Միհր աստվածությանն նվիրված գեղեցիկ հեթանոսական  տաճար (մ.թ. 1-ին դար): Կառուցված լինելով դեպի խորը կիրճ բացվող բարձունքի վրա՝ հելենական ոճին  բնորոշ ճարտարապետությամբ, սյունաշարով ամփոփված կառույցն բնության հետ ներդաշնակ ամբողջություն է կազմում և հիացնում իր գեղեցկությամբ։

Գառնիի ամրոցը ծառայել է իբրև Արշակունիների թագավորական տան ամառային նստավայր: 1679 թվականի ուժեղ երկրաշարժից ավերված տաճարը  վերականգնվել է 1969-1974 թվականներին: Պահպանվել են տաճարը շրջապատող ամրոցի պարսպի մի մասը,  թագավորական պալատի և բաղնիքի ավերակները: Հետաքրքիր է բաղնիքի խճանկարային հատակն իր վրայի հունատառ արձանագրությամբ. « աշխատեցինք՝ ոչինչ չստանալով»: Կան հունարեն գրություններ, որոնցից հետևում է, որ տաճարը կառուցվել է մ.թ. 77 թվականին Տրդատ I թագավորի (Արշակունիների արքայատոհմ) կողմից:

Այցելություն Սուրբ Գեղարդի հազվագյուտ ժայռափոր տաճար (12-13-րդ դարեր), որն անվանակոչվել է   այստեղ երկար ժամանակ պահված  Սուրբ Գեղարդի անունով, որով ընդհատեցին Քրիստոսի  տառապանքները (այժմ մասունքը  ​​գտնվում է Սուրբ Էջմիածնի թանգարանում): Տաճարը գտնվում է բարձր լեռներում՝ Ազատ գետի գեղատեսիլ կիրճում: Այն հայ միջնադարյան ճարտարապետության գլուխգործոց է: Համալիրը բաղկացած է գլխավոր եկեղեցուց, երկու քարանձավային եկեղեցիներից և դամբարանից: Առաջին քարանձավային տաճարում ժայռից բխում է սառը աղբյուր, որը մինչ օրս պաշտամունքի առարկա է: Համարվում է, որ սուրբ ջուրը բուժում է հիվանդություններ, երիտասարդացնում և գեղեցկություն է հաղորդում հավատացյալներին: Գեղարդի վանքը ներառված է ՅՈՒՆԵՍԿՕ-ի համաշխարհային ժառանգության ցանկում (2000):

Մասնակցություն գյուղական տանը թոնիրում հայկական հացի՝ լավաշ թխելու յուրահատուկ գործընթացին:

Վերադարձ Երևան:

Գիշերակաց Երևանում:

Նախաճաշ հյուրանոցում:

Ուղևորություն դեպի Արենի գյուղ՝ գինեգործության օրրան: Ժամանակակից Հայաստանի Արենի շրջանում (Վայոց ձորի մարզ) վերջերս կատարված հնագիտական ​​պեղումների ժամանակ հայտնաբերվել է 6100 տարեկան գինեգործարան և 5 գինու մառան: Հնագետները հայտնաբերել են խաղող քամելու, գինի խմորելու և պահելու համար նախատեսված տարաներ, խմելու բաժակներ, խաղողի որթեր և սերմեր: Այս գինեգործարանը և մառանն այսօր էլ համարվում են աշխարհի ամենահինները: Հնագետները ենթադրում են, որ մեր վաղ նախնիները գինի են օգտագործել մահացածներին մեծարելու արարողություններում, ինչպես նաև դամբարաններում դրված նվերի տեսքով: Դրա մասին են վկայում թաղման վայրերում հայտնաբերված գինու կճուճներն ու բաժակները: Հայ և ամերիկացի գիտնականների կարծիքով, սրանք աշխարհում գինու արտադրության միակ ամբողջական և ամենահին պեղումներն են (ավելի քան 6000 տարի): Այս գտածոները վկայում են այդ օրերին գինեգործության բարձր մակարդակի մասին Հայաստանի տարածքում: Այցելություն Արենի գինու գործարան՝ տարբեր տեսակի գինիների համտեսով։

Շարունակեք ձեր օրը Տաթևի վանք տանող ճանապարհին այցելելով Հայաստանի ամենագեղեցիկ ջրվեժներից մեկը՝ Շաքին։ Այնուհետև ուղևորվելով վանական համալիր հետադարձը կատարեք «ՏաԹևեր»ով` աշխարհի ամենաերկար, առանց կանգառի  ճոպանուղով, որը ներառված է Գինեսի ռեկորդների գրքում: Ձգվելով  5,7 կմ (3,5 մղոն)՝ անտառապատ ձորերի և կիրճերի վրայով արտասովոր այս երթուղին ձեզ կտանի հեքիաթների աշխարհ։

Տաթևի վանքն Հայաստանի  9-13-րդ դարերի  հոգևոր և գիտական նշանավոր կենտրոն էր։ Վանական համալիրն  իր գեղեցկությամբ, ճարտարապետական լուծումներով հայ շինարարական մտքի գլուխգործոցներից է համարվում:  Տաթևը ժամանակին եղել է Սյունյաց աշխարհի քաղաքական և հոգևոր սիրտը, հայ մշակույթի և կրթության կարևոր կենտրոն: Մի ժամանակ այստեղ գործել է համալսարան, որն ուներ երեք ճյուղ՝ հոգևոր երաժշտության,զարդարվեստի  և գիտության։ Տաթևում  ապրել և ստեղծագործել են միջնադարյան Հայաստանի նշանավոր փիլիսոփաներ, երաժիշտներ, գրիչներ,  և վանականներ:  Վերջիններս ուսումնասիրում էին Հին և Նոր Կտակարանները, ինչպես նաև զբաղվում էին հունարենից և այլ լեզուներից հոգևոր և աշխարհիկ բովանդակության ձեռագրերի թարգմանություններով։

Համալիրը ներառում է կենտրոնական՝ Սուրբ Պողոս-Պետրոս տաճարը (11-10-րդ դարեր), Սուրբ Գրիգոր եկեղեցին (13-րդ դար), վանահոր խուցը (17-րդ դար), խոհանոցով և պահեստներով սեղանատունը, ինչպես նաև վանական համալիրի կենցաղային ծառայությունների հատված: 10-րդ դարում Տաթևն ուներ մոտ 1000 բնակիչ, այդ թվում՝ բարձրորակ արհեստավորներ, որոնց հանճարի արդյունքն են  նուրբ փորագրված խաչքարերն ու դռները:

Վերադարձ դեպի Երևան։

Գիշերակաց Երևանում։

Նախաճաշ հյուրանոցում։

Ուղևորություն  Շիրակի մարզ՝ Գյումրի։ Սա Հայաստանի երկրորդ ամենամեծ քաղաքն է, որը գտնվում է Երևանից 130 կմ հեռավորության վրա։ Գյումրին հայտնի է իբրև ժողովրդական ավանդույթները սրբորեն պահպանող քաղաք  և առանձնանում է իր ջերմ հյուրընկալությամբ։ Զբոսանք Կումայրիի պատմական թաղամասով, որը Հայաստանի այն քիչ վայրերից  է, ուր պահպանվել Է դասական հայկական քաղաքային ճարտարապետության շունչը։ Թաղամասում հաշվում են 18-րդ և 19-րդ դարերի ավելի քան հազար շենքեր։ Այցելեք Քաղաքային կենցաղի թանգարան, Սև բերդ,  զբոսնեք  հին փողոցներով։

Վերադարձի ճանապարհին այցելություն Արագած լեռան արևմտյան լանջի վրա կառուցված Հառիճավանք։

Վերադարձ դեպի Երևան։

Գիշերակաց Երևանում։

Նախաճաշ հյուրանոցում։ Տեղափոխում դեպի օդանավակայան մեկնումից 2.5 ժամ առաջ։