Հանգստյան Օրեր Հայաստանում

4 օր/ 3 գիշեր

հասանելիություն

նոյեմբեր 16 - փետրվարի 26՝ բացառությամբ դեկտեմբերի 30 և 31-ի

ժամանման օրերը

երկուշաբթի, երեքշաբթի, հինգշաբթի և կիրակի

Մանրամասն նկարագրություններ

օր 1

Ժամանում Երևան. Տեղափոխում ընտրված հյուրանոց

Գիշերակաց Երևանում։

օր 2

Երևան - Սևանա լիճ ( Սևանավանք ) - Ծաղկաձոր (Կեչառիս վանք, Ճոպանուղի՝ 1-ին կայան),կամ Դիլիջան(Հաղարծին վանք ու Գոշավանք) - Երևան

Նախաճաշ հյուրանոցում։

Ուղևորություն դեպի Ծաղկաձոր՝ անտառապատ լեռներում ծվարած գեղեցիկ, փոքրիկ քաղաք։ Կարճ շրջագայություն բնակավայրում, այնուհետև հնարավորություն կընձեռնվի ճոպանուղով բարձրանալու դեպի բարձր լեռնագագաթներ։ Այստեղ ձեր առջև կբացվի հայկական բնաշխարհի անմոռանալի և հիասքանչ համայնապատկերը: Այցելություն 11-13 դարերում կառուցված Կեչառիս վանական համալիր։

Այնուհետև ճանապարհը ձեզ կտանի դեպի Սևանա լիճ՝ Հայաստանի հրաշալիքներից մեկը։ Այս կապույտ գեղեցկուհին Եվրասիայի ամենաբարձր լեռնային քաղցրահամ լճերից մեկն է։ Պարզ և արևոտ օրերին յճի ջրերը մուգ փիրուզագույն երանգ են ստանում՝ անհավանական գեղեցկություն հաղորդելով 940 կմ2 մակերես ունեցող բնության այս հրաշքին։

Դեպի թերակղզի բարձրանալիս այցելուների առջև բացվում է շրջակա լեռների գրկում հանգստացող լճի չքնաղ տեսարանը։ Հիացեք 9-րդ դարում կառուցված Սևանավանքով, որ դարերի խորհուրդն իր մեջ կրելով, վեհորեն իշխում է Սևանա կապույտի վրա։

Վերադարձ և գիշերակաց Երևանում

* Կիրակի, երկուշաբթի և երեքշաբթի օրերին ժամանելու դեպքում Սևանա լիճ — Ծաղկաձոր էքսկուրսիան փոխարինվում է Սևանա լիճ — Դիլիջան (Հաղարծին վանք և Գոշավանքի) երթուղով։ էքսկուրսիայով։

օր 3

Երևան – Գառնիի տաճար – Գեղարդավանք-Երևան

Նախաճաշ հյուրանոցում։

Օրը սկսվում է Գառնիի հեթանոսական տաճար այցելությամբ՝ եզակի նախաքրիստոնեական տաճար Հայաստանում։ Հունահռոմեական ոճի այս հոյակապ կառույցը, որը կառուցվել է 77 թվականին Տրդատ Ա թագավորի օրոք, նվիրված է եղել Միհրին՝ Արևի Աստծուն: Մոտակայքում ուսումնասիրեք թագավորական պալատի ավերակները և հնագույն բաղնիքները՝ Արշակունի արքայատոհմի ամառային հանգստավայրի մնացորդները, որոնք արտացոլում են Հայաստանի վաղ մշակույթի վեհությունը։ Ճանապարհին՝ լուսանկարվելու համար կանգառ Չարենցի կամարի մոտ։

Կամընտրելի։ Ճաշ ընտանեկան միջավայրում․ Տեղացի ընտանիքի հյուրասիրությամբ դուք հնարավորություն կունենաք ականատես լինել լավաշի՝ հայկական հացի պատրաստմանը, որը թխվում է թոնրի մեջ և հարյուրամյակների պատմություն ունի:

Այնուհետև շարունակեք ճանապարհը դեպի Գեղարդավանք ՝ ժայռափոր ճարտարապետական գլուխգործոց։ Զգացեք վանքի հավերժական գեղեցկությունը, որն ՅՈՒՆԵՍԿՕ-ի Համաշխարհային ժառանգության օբյեկտ է 2000թ.-ից: Հրաշալի բնության սրտում՝ 12-13-րդ դարերի այս վանական համալիրը շինարարական մտքի թռիչք է և եղել է միջնադարյան հայ գրչության կարևոր կենտրոն: Անունը՝ Սբ Գեղարդ, վերաբերում է մասունքին, որ խաչելության ժամանակ խոցել է Քրիստոսի կողը և Հայաստան է բերվել Սբ Թադեոսի կողմից։

Վերադարձ և գիշերակաց Երևանում։

օր 4

Տեղափոխում օդանավակայան,մեկնում

Նախաճաշ հյուրանոցում։ Դուրս գրում մինչև 12:00. Տեղափոխում օդանավակայան՝ թռիչքից 2.5 ժամ առաջ։

Տուրփաթեթի գինը մեկ անձի համար երկտեղանոց սենյակում

Հյուրանոցի անվանումը	Երկտեղանոց	Մեկտեղանոց	Երրորդ մեծահասակ	6-12 տարեկան երեխա
Elysium Gallery 3, Mandarin 3 or similar
Ani Central Inn 4*
Holiday Inn Express, Median hotel or Ani Plaza 4*

Տուր փաթեթի գինը ներառում է:

Գիշերակաց (3 գիշեր Երևանում)
BB (նախաճաշ)
Տեղափոխման ծառայություն ըստ ծրագրի
Զբոսավարի ծառայություն ըստ ծրագրի
Ըստ ծրագրի մուտքի տոմսեր
Ծաղկաձորի ճոպանուղի, 1-ին կայան

Տուր փաթեթի գինը չի ներառում:

դեկտեմբերի 25 - հունվարի 7-ի ամանօրյա շրջանի հավելավճարը