Բեռլին Արտ հոթելի բոլոր 20 սենյակները, ինչպես նաև միջանցքներն ու սրահները ձևավորված են գյումրեցի ժամանակակից արվեստագետների աշխատանքներով: Սա Գալերի 25-ն է՝ ժամանակակից արվեստի պատկերասրահը: Հյուրանոցում գործում են նաև Շիրակ տուր զբոսաշրջային կազմակերպությունը, Արտբոգեն գերմանախոսների մշակութային կենտրոնը, Roof25 տեղեկատվական կենտրոն-սրճարանը, Biergarten գարեջրի պարտեզը և այլն: Բեռլին ԱՐՏ հոթելը հայտնի է որպես ցուցահանդեսների, միջոցառումների, յուրատեսակ տոների կազմակերպման վայր, որը փորձում է ակտիվ պահել քաղաքի մշակութային կյանքը, հարթակ դառնալ արվեստագետների համար, իսկ օտարերկրյա զբոսաշրջիկներին ներկայացնել տեղական մշակույթն իր բոլոր գույներով:
