Ճանապարհորդություն դեպի Հայաստան

Նախաճաշ հյուրանոցում, այնուհետ  ուղևորություն դեպի Սբ Գեղարդի վանական համալիր (12-13-րդ դդ)

Հիացեք Գեղարդավանքի հավերժական գեղեցկությամբ, որն ՅՈՒՆԵՍԿՕ-ի Համաշխարհային ժառանգության ցանկում է 2000թ.-ից: 12-13-րդ դարերում մասամբ ժայռերի մեջ կառուցված այս վանական համալիրը ճարտարապետական ​​հրաշք է Նրա անունը՝ «Գեղարդ», վերաբերում է մասունքին, որ խաչելության ժամանակ խոցել է Քրիստոսի կողը։ Այն Էջմիածնի Մայր տաճարի թանգարան տեղափոխվելուց առաջ դարեր շարունակ պահվել է այստեղ։

Լեռներում, Ազատ գետի փորած խորունկ կիրճի սրտում, Գեղարդը հայկական միջնադարյան ճարտարապետության գոհարն է: Այս վանական համալիրը տպավորում է ժայռի մեջ իր ներդաշնակ ներառմամբ և կազմված է մի քանի կառույցներից.

Գլխավոր եկեղեցին՝ զարդարված է նուրբ խաչքարերով և քարե բարդ քանդակներով։

Երկու քարանձավային եկեղեցիներ՝ վարպետորեն փորված են ժայռի մեջ, որտեղ բնական լույսի թափանցումը առանձնահատուկ հմայնք է տալիս խորհրդավոր միջավայրին:

Ժայռափոր հատվածում է Սրբազան աղբյուրն, որը դարեր շարունակ հորդում է ժայռի խորքերից, և համարվում է բուժիչ ու երիտասարդացնող: Գեղարդի խորհրդավոր մթնոլորտը, ճարտարապետությունը և շրջակա բնությունը՝ այն դարձնում է Հայաստանի ամենահիասքանչ վայրերից մեկը

Կամընտրելի․ Հոգևոր երաժշտություն կատարում Գեղարդավանքի քարանձավային մատուռում։ Վայելեք անկրկնելի զգացումներ՝ ունկնդրելով բնական ակուստիկայով հարստացած հայկական հոգևոր երաժշտությունը:

Գեղարդավանքից ճանապարհորդության շարունակություն Գառնի:

Այցելություն Գառնիի հեթանոսական տաճար՝ եզակի նախաքրիստոնեական շրջանի հուշարձան Հայաստանում։ Հելլենական ոճի այս հոյակապ կառույցը, որը հիմնադրվել է 77 թվականին՝ Տրդատ Ա Արշակունի թագավորի կողմից, նվիրված է եղել Միհրին՝ Արևի Աստծուն: Նրբագեղ սյունաշարը, չքնաղ բնությունը, խորը կիրճը այն դարձնում են Հայաստանի ամենահիասքանչ տեսարժան վայրերից մեկը: Մոտակայքում ուսումնասիրեք թագավորական պալատի ավերակները և հնագույն բաղնիքները՝ Արշակունի արքայատոհմի ամառային հանգստավայրի մնացորդները, որոնք արտացոլում են Հայաստանի վաղ մշակույթի վեհությունը։ Բաղնիքի հատակի մոզաիկի վրա հունարեն գրություն է«Աշխատեցինք ոչինչ չստանալով»:

Կամընտրելի. Տաճարից ոչ հեռու, Գառնու ձորում, հիացեք հայտնի «Քարերի սիմֆոնիա»-ով՝ վեցանկյուն բազալտե սյուների եզակի բնական հրաշքով, որ արարվել է ժամանակի և բնության կողմից:

Կամընտրելի.Դուդուկի անհատական ​​համերգ Գառնիի  տաճարում

Թող դուդուկի՝ հայկական ավանդական ծիրանի փայտից պատրաստված գործիքի, գեղեցիկ ձայնը ձեզ տեղափոխի ժամանակի միջով: Դուդուկի խորը, հուզիչ մեղեդին, որը հաճախ կոչում են «ծիրանի շեփոր», հանընդհանուր հիացմունքի արժանացավ «Գլադիատոր» ֆիլմի սաունդթրեքով:

Ելույթից հետո  երաժիշտը կբացահայտի այս խորհրդանշական գործիքի հարուստ պատմությունն ու մշակութային նշանակությունը:

Ճաշ ընտանեկան միջավայրում․ Տեղացի ընտանիքի հյուրասիրությամբ դուք հնարավորություն կունենաք ականատես լինել լավաշի՝ հայկական հացի պատրաստմանը, որը թխվում է թոնրի մեջ:

Ուղևորության շարունակում դեպի բարձրլեռնային Սևանա լիճ՝ Հայաստանի հրաշալիքներից մեկը։ Այս լեռների գրկում տեղավորված  շլացուցիչ կապույտ լիճն՝ զով և վեհաշուք,  ունի անբացատրելի գեղեցկություն։ Պատահական չէ, որ շատ նկարիչներ իրենց արվեստի ներշնչման թեմա են ընտրում Սևանա լիճն: Վերելք դեպի Սևանի թերակղզի,այցելություն բարձունքում կառուցված Սևանավանք (9-րդ դար):  Այստեղից բացվում է լճի և շրջակա լեռների վեհաշունչ տեսարան։

Վերադարձ դեպի Երևան։

Նախաճաշ հյուրանոցում։

Նախաճաշից հետո ճանապարհորդություն  Արարատյան դաշտավայրով դեպի Խոր Վիրապ։ Ողջ ճանապարհին ձեզ կուղեկցի  հիասքանչ Արարատը, որը փայլում է իր երկու հոյակապ սպիտակ գագաթներով:

Այցելություն Խոր Վիրապ վանական համալիր՝ քրիստոնեական կարևոր տաճար-ուխտատեղի։ Այստեղ է գտնվում զնդանը որտեղ 13 տարի բանտարկված է եղել Սուրբ Գրիգոր Լուսավորիչը: Սուրբ Գրիգորի ազատ արձակումը՝ մ.թ. 301-ին, բեկումնային պահ եղավ հայոց պատմության մեջ։  Հայաստանը դարձավ աշխարհում առաջին երկիրն, որն ընդունեց քրիստոնեությունը որպես պետական ​​կրոն: Սբ Գրիգոր Լուսավորիչն սրբադասվեց և համարվում է Հայ Առաքելական եկեղեցու հիմնադիրն:  Բացահայտեք և զգացեք Հայաստանի ամենասուրբ և կարևոր քրիստոնեական  վայրերից մեկի խորհուրդն ու նշանանակությունը:

Խոր Վիրապին հարող բլուրների վրա է կառուցվել  Հայաստանի հնագույն մայրաքաղաք Արտաշատը, որը հիմնվել է մոտ 180 մ.թ.ա. Արտաշեսյան արքայատոհմի հիմնադիր Արտաշես Ա թագավորի կողմից։ Հատկանշական է, որ Արտաշատը այն սակավաթիվ հնագույն քաղաքներից է, որը կառուցվել է հատուկ նախագծով: Հատակագծի հեղինակն Կարթագենի նշանավոր զորավար Հանիբալն էր, ով ապաստան էր գտել Հայաստանում Հռոմի դեմ պատերազմում կրած պարտությունից հետո:

Այնուհետև, վայելեք անմոռանալի ճանապարհորդություն ապշեցուցիչ կարմիր ժայռերի միջով դեպի Նորավանք (XIII դար)՝ Հայաստանի կարևոր կրոնական և մշակութային կենտրոններից մեկը: Նորավանքը սերտորեն կապված էր նաև միջնադարյան հայտնի Գլաձոր համալսարանի հետ։ Շատ այցելուների գեղատեսիլ տեսարանն այնքան հիասքանչ է թվում, որ նրանք նախընտրում են  դեպի վանք տանող վերջին հատվածը ոտքով անցնել։  Վայելեք այս պատմական վանքի եզակի ճարտարապետությունը,հմայքը և ներդաշնակ բնության ուժը։

Նորավանքի ամենահին հուշարձանը Սուրբ Կարապետ եկեղեցին է (IX-X դդ.): Վանքից հյուսիս՝ XIII դարում, կառուցվել է Սբ Կարապետ գլխավոր եկեղեցին: Ճարտարապետն  միջնադարյան հայ շինարարական մտքի ականավոր ներկայացուցիչ Մոմիկն էր: Գլխավոր տաճարից հյուսիս գտնվում է Օրբելյանների դամբարանը:

Տաճարը զարդարված է Սբ Աստվածածնի՝ մանկան հետ, Հայր Աստծո, խաչելության պատկերներով, ինչպես նաև մեծ թվով  խաչքարերով: Մոտակա Սուրբ Աստվածածին եկեղեցին հիացնում է իր կատարելությամբ և երկրորդ հարկ տանող կոնսոլային աստիճաններով:

Ճաշ լեռների գրկում ծվարած  տեղական ռեստորանում, որտեղ կարող եք համտեսել թոնրի մեջ պատրաստված հյութալի խորոված և հավի քյաբաբ։

Կամընտրելի. Արտաճանապարհային  ուղևորություն դեպի լեռներում գտնվող դիտակետ, որտեղ կարող եք հիանալ և վայելել բազմերանգ ժայռերի և զարմանահրաշ բնապատկերի շունչ կտրող տեսարանները: Հեռադիտակի միջոցով կարող եք դիտել զառիթափ ժայռերով վեր վազող վտանգված այծքաղների տեսակներին։

Ուղևորության շարունակություն դեպի   Արենի բնակավայր, որն աշխարհի հնագույն գինեգործական կենտրոններից մեկն է։ Արենիի վերջին պեղումների ժամանակ (2007-2010 թթ.) հայտնաբերվել են ուշագրավ գտածոներ, այդ թվում աշխարհի ամենահին ՝ 6100 տարի առաջ գործած գինեգործարաններից մեկը: Հնձանները, ,  գինու մամլիչներն, ֆերմենտացիայի պարագաները,կարասները վկայում են այդ վաղընջական ժամանակներում Հայաստանի տարածքում առկա գինեգործական զարգացած մշակույթի մասին։ Ըստ ամերիկյան և հայ հնագետների՝ հնագույն գինու արտադրությունն ունեցել է ծիսական նշանակություն, ինչի ապացույցն են դամբարաններում և թաղման վայրերում հայտնաբերված գտածոները։

Դուք հնարավորություն կունենաք այցելելու Արենու գինեգործարան՝ համտեսելու տեղական գինիներ, այդ թվում հայտնի Արենի գինին, որը պատրաստված է  խաղողի յուրահատուկ տեսակից:

Նախաճաշ հյուրանոցում.

Բացահայտեք Հայաստանի մայրաքաղաքը ճանաչողական էքսկուրսիայով։ Զբոսնեք Երևանի  կենտրոնում՝ այցելելով Հանրապետության հրապարակ, Հյուսիսային պողոտա,Աբովյան փողոց, հիացեք Մայր Հայաստան հուշարձանով, Խորհրդարանի շենքով, Նախագահի պալատով, Օպերայի թատրոնի շենքով և Կարապի լճով։

Ձեր հարգանքի տուրքը մատուցեք անմեղ զոհերի հիշատակին՝այցելելով 1915 թվականի Մեծ Եղեռնի  հուշահամալիր և Ցեղասպանության թանգարան, որտեղ ներկայացված է Օսմանյան Թուրքիայում և Արևմտյան Հայաստանում ավելի քան մեկուկես միլիոն հայության ոչնչացման պատմությունը։

Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։: Կասկադի վերևից բացվում է հիասքանչ տեսարան դեպի քաղաք և Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:

Այս վայրն էլ ավելի հմայիչ է դառնում երեկոյան ժամերին, երբ բազմաթիվ սրճարաններն լի են  ինչպես տեղացիներով, այնպես էլ աշխարհի տարբեր ծայրերից ժամանած զբոսաշրջիկներով։ Ամռանն Կասկադը վեր է ածվում բացօթյա համերգների վայրի և ամենուր տարածվում է  մայրաքաղաքի յուրահատուկ ջերմությունն ու շունչը։

Շատ հետաքրքիր մեկ ժամ շրջայց հայկական կոնյակի գործարանով։ Զբոսաշրջիկներին առաջարկվում է ծանոթանալ գործարանի պատմությանը, կոնյակի պատրաստման գործընթացին, ցուցասրահներին և պահեստասրահներին: Այցելուները ճաշասրահում կունենան նաև 2 տեսակի կոնյակի համտեսում։ Գործարանի տարածքում գտնվող  խանութը հասանելի կլինի նրանց, որ կուզեն ձեռք բերել հայտնի հայկական կոնյակը անմիջապես գործարանից։

Ճամփորդություն դեպի Էջմիածին (Վաղարշապատ)՝ Հայաստանի հին մայրաքաղաքը և Հայ Առաքելական Եկեղեցու հոգևոր կենտրոնը։ 4-րդ դարից ի վեր այստեղ է գտնվում Ամենայն Հայոց Կաթողիկոսի նստավայրը։ Էջմիածնի Մայր Տաճարը, որը հիմնադրվել է 301 թվականին Գրիգոր Լուսավորչի կողմից, համարվում է աշխարհում հնագույն քրիստոնեական տաճարներից մեկը։ Ժամանակի ընթացքում վանքն վերակառուցվել և ընդլայնվել է՝ դառնալով համալիր, որն այսօր ներառում է Մայր Տաճարը, Հոգևոր ճեմարանը, Կաթողիկոսի նստավայրը, Սինոդը և գրադարանը։ Տաճարի թանգարանում պահվում են անգին կրոնական մասունքներ, ոսկե և արծաթյա գեղարվեստական արվեստի առարկաներ, սուրբ արարողությունների սպասարկման սպասք, մեծ արծաթյա կաթսա մյուռոն եփելու համար և  Սուրբ Գեղարդը։

Այնուհետև այցելություն դեպի Զվարթնոցի տաճարի ավերակներ (641–661 թթ.), որը հայտնի է նաև որպես Արթուն Ուժերի տաճար։ Այս եռահարկ կառույցը հենվել է հզոր սյուների վրա,որոնք զարդարված էին արծվի քանդակներով և  խաղողի որթերով, նռան ճյուղերով, արմավենու  դեկորներով։ Վեհաշուք այս տաճարի անգամ պահպանված մնացորդները  պատկերացում են տալիս կառույցի բացառիկ գեղեցկության մասին։ Զվարթնոցը 2000 թվականին ընդգրկվել է ՅՈւՆԵՍԿՕ-ի համաշխարհային ժառանգության ցանկում։

Տեղափոխում դեպի Զվարթնոց միջազգային օդանավակայան։ Մեկնում։