Ճանապարհորդություն դեպի Հայաստան

Ժամանում Զվարթնոց միջազգային օդանավակայան և տեղափոխում դեպի ընտրած հյուրանոց։

Շրջագայությունն Երևանում սկսվում է Կասկադի  բարձունքում՝ Արարատ լեռան համայնապատկերի ներքո տարածվող քաղաքի դիտարկումով։ Այնուհետև զբոսանք  կենտրոնական հատվածի հիմնական տեսարժան վայրերում՝ Մայր Հայաստան հուշարձան, Հանրապետության հրապարակ, Հյուսիսային պողոտա, Օպերայի և բալետի թատրոն, Կարապի լիճ, Ազգային ժողով, Նախագահական նստավայր և Երևանի Պետական Համալսարան։

Այցելություն Ծիծեռնակաբերդ՝ Հայոց ցեղասպանության հուշահամալիր և թանգարան։

Զբոսանքի շարունակություն դեպի Կասկադ համալիր՝ Երևանի ժամանակակից արվեստի կենտրոն։

Այցելություն Կապույտ մզկիթ՝ Կովկասում ամենահին և խոշոր մզկիթներից մեկը։

Կամընտրելի՝

Մեկժամյա տուր հայկական կոնյակի գործարանում՝ պատմության և արտադրության հետ ծանոթացում, երկու տեսակի կոնյակի համտեսում և գնումների հնարավորություն։

Գիշերակաց Երևանում։

Նախաճաշ հյուրանոցում։

Ուղևորություն Գառնի՝ այցելություն Հայաստանում եզակի պահպանված, արևի աստված Միհրին նվիրված հեթանոսական տաճար: Ճանապարհին կանգառ Չարենցի կամարի մոտ՝ Արարատ լեռան գեղեցիկ տեսարանի ներքո լուսանկարվելու համար:

Այցելություն Թագավորական պալատի և բաղնիքի ավերակներ, ինչպես նաև զբոսանք Գառնիի կիրճում՝հիանալու բնության հրաշքով՝  բազալտե ժայռապատ Քարերի սիմֆոնիայով։

Կամընտրելի:

Ճաշ հյուրընկալ ընտանիքում՝ թոնրի մեջ ավանդական լավաշի պատրաստման ցուցադրությամբ։

Այնուհետև ճանապարհի շարունակություն դեպի Գեղարդավանք, կիսով չափ ժայռափորք ՅՈՒՆԵՍԿՕ-ի հուշարձան: Վանքի անունն կապվում է Սուրբ Գեղարդի հետ,որ պահպանվել է այստեղ դարեր շարունակ:

Կամընտրելի.

• Հոգևոր երգեցողության համերգ՝ բացառիկ ակուստիկայով։
• Դուդուկի երաժշտական կատարում Գառնիում ուղեկցված գործիքի պատմության մասին տեղացի երաժշտի բացատրություններով։

Վերադարձ Երևան։

Գիշերակաց Երևանում։

Նախաճաշ հյուրանոցում։

Ճամփորդություն Արարատյան դաշտավայրով, այցելություն Խոր Վիրապ վանական համալիր, որն քրիստոնեական աշխարհի հայտնի սրբավայրերից է։ Այստեղից բացվում է ամենամոտ և տպավորիչ տեսարանը դեպի Արարատ լեռ՝ իր երկու  ձյունածածկ գագաթներով:

Ուղևորության շարունակություն դեպի Գնիշիկի կիրճ, որտեղ ճանապարհը անցնում է բազմերանգ ժայռերի միջով՝ մոխրագույնից մինչև կարմիր։

Այցելություն Նորավանք վանական համալիր (13-14-րդ դար), որը շրջապատված է յուրահատուկ կարմիր ժայռերով։ Տեսարանն այնքան հիասքանչ է, որ շատերը որոշում են իջնել մեքենայից և քայլել դեպի վանք գեղեցկության լիարժեք ըմբոխշման և լուսանկարվելու համար։

Գիշերակաց Երևանում։

Նախաճաշ հյուրանոցում և ուղևորություն դեպի Սևանա լիճ: Այս բարձրլեռնային քաղցրահամ լիճը համարվում է Եվրասիայի ամենամեծերից մեկը՝ 940 քառ. կմ մակերեսով։

Վերելք դեպի Սևանա թերակղզի, որտեղից բացվում է աննկարագրելի գեղեցիկ տեսարան։ Այցելություն Սևանավանք  (9-րդ դար), որն իր վեհությամբ ասես հսկում է լիճը։

Ճանապարհն այնուհետ շարունակվում է դեպի Դիլիջան, որը հաճախ անվանում են «Հայկական Շվեյցարիա»՝ իր կուսական անտառների և հարուստ բնաշխարհի համար։ Փոքրիկ շրջայց քաղաքի արհեստագործական փողոցում։

Այցելություն խոր անտառում ասես թաքնված Հաղարծին վանական համալիր։ Միջնադարյան հայ ճարտարապետության այս գոհարն   ներառում է Սուրբ Ստեփանոս, Սուրբ Մարիամ, Սուրբ Գրիգոր եկեղեցիները և  ճաշասրահի գեղեցիկ շինությունն։ 2005-ին՝ արժևորելով հոգևոր  կենտրոնի քաղաքակրթական նշանակությունն, Շեյխ Սուլթան ալ Կասիմին ֆինանսավորեց համալիրի վերականգնման աշխատանքները։

Վերադարձ և գիշերակաց Երևանում։

Նախաճաշ հյուրանոցում։

Առավոտյան ազատ ժամանակ Երևանում՝ այցելությամբ տեղի շուկա և Վերնիսաժ՝ բացօթյա արվեստի և ձեռագործության տոնավաճառ, որտեղ ներկայացված են ձեռագործ հուշանվերներ, հնություններ և արվեստի նմուշներ։

Ճամփորդություն դեպի Էջմիածին (Վաղարշապատ)՝ Հայաստանի հին մայրաքաղաքը և Հայ Առաքելական Եկեղեցու հոգևոր կենտրոնը։ 4-րդ դարից ի վեր այստեղ է գտնվում Ամենայն Հայոց Կաթողիկոսի նստավայրը։ Էջմիածնի Մայր Տաճարը, որը հիմնադրվել է 301 թվականին Գրիգոր Լուսավորչի կողմից, համարվում է աշխարհում հնագույն քրիստոնեական տաճարներից մեկը։ Ժամանակի ընթացքում վանքն վերակառուցվել և ընդլայնվել է՝ դառնալով համալիր, որն այսօր ներառում է Մայր Տաճարը, Հոգևոր ճեմարանը, Կաթողիկոսի նստավայրը, Սինոդը և գրադարանը։ Տաճարի թանգարանում պահվում են անգին կրոնական մասունքներ, ոսկե և արծաթյա գեղարվեստական արվեստի առարկաներ, սուրբ արարողությունների սպասարկման սպասք, մեծ արծաթյա կաթսա մյուռոն եփելու համար և  Սուրբ Գեղարդը։

Այնուհետև այցելություն դեպի Զվարթնոցի տաճարի ավերակներ (641–661 թթ.), որը հայտնի է նաև որպես Արթուն Ուժերի տաճար։ Այս եռահարկ կառույցը հենվել է հզոր սյուների վրա,որոնք զարդարված էին արծվի քանդակներով և  խաղողի որթերով, նռան ճյուղերով, արմավենու  դեկորներով։ Վեհաշուք այս տաճարի անգամ պահպանված մնացորդները  պատկերացում են տալիս կառույցի բացառիկ գեղեցկության մասին։ Զվարթնոցը 2000 թվականին ընդգրկվել է ՅՈւՆԵՍԿՕ-ի համաշխարհային ժառանգության ցանկում։

Երեկոյան՝ տեղափոխում դեպի Զվարթնոց միջազգային օդանավակայան։ Մեկնում։