Խաչատուր Աբովյանի տուն-թանգարան
Երևան, Քանաքեռ 2-րդ փող.4 տունԽաչատուր Աբովյանի տուն-թանգարանն իր ուրույն տեղն է զբաղեցնում հայության սրտում՝ խորհրդանշելով խորին ակնածանքն ազգի մեծագույն լուսավորիչներից մեկի նկատմամբ։ Տասնամյակներ շարունակ տունը փակի տակ էր, բայց մեծ գրողի ազդեցությունն այնքան խորն էր, որ ուխտավորները երկչոտ համբուրում էին շենքի պատերը և մի բուռ հող վերցնում որպես հարգանքի և նվիրվածության նշան։
Խաչատուր Աբովյանի տունը թանգարանի վերածելու հայ ժողովրդի վաղեմի ցանկությունը վերջնականապես իրականացավ 1939 թվականին: Խորհրդային իշխանության հաստատումից հետո ՀԽՍՀ Ժողովրդական կոմիսարների խորհուրդը 1938 թվականի ապրիլի 25-ին որոշում կայացրեց վերակառուցել գրողի տունը Քանաքեռում: 1939 թվականի վերջին այն պաշտոնապես բացվել է որպես տուն-թանգարան։
Նորակառույց թանգարանն ունի 500 քառակուսի մետր մակերեսով ցուցադրական տարածք՝ բաժանված 12 բաժանմունքների, որտեղ պահպանվում են հայ գրականության և կրթության զարգացման մեջ առանցքային դերակատարում ունեցած Խաչատուր Աբովյանի կյանքի,գործունեությանն առնչվող ցուցանմուշներ։
Այցելուներն լիարժեք պատկերացում կկազմեն մեծ գրողի թողած ժառանգության,նրա ժամանակաշրջանի փոթորկահույզ պատմական իրադարձությունների մասին։