Սերգեյ Փարաջանովի թանգարան. Հարգանքի տուրք հանճարեղ արվեստագետին
1բդ, Սերգեյ Փարաջանովի փող. ԵրևանԵրևանի գեղատեսիլ Ձորագյուղ թաղամասում տեղակայված Սերգեյ Փարաջանովի թանգարանը ոգեկոչում է աշխարհահռչակ կինոռեժիսոր, սցենարիստ և նկարիչ Սերգեյ Փարաջանովի ժառանգությունը:
Հիմնադրվելով 1991 թվականին՝ նրա մահից մեկ տարի անց, այս թանգարանը մարմնավորում է Փարաջանովի ստեղծագործական ոգին և ձևավորում մեծ վարպետին բնորոշ մտերմիկ, հեքիաթային միջավայր։Ներկայացված է նրա խորը կապը երեք «հայրենիքների» հետ՝ Վրաստանի, որտեղ նա ձևավորեց արվեստագետի իր ձայնը. Ուկրաինան, որը նրան սեր, ուրախություն և համաշխարհային ճանաչում պարգևեց. և Հայաստան, որտեղ իր խոսքերով << իմ արմատներն են և որտեղ ես կցանկանայի ապրել իմ կյանքի մնացած մասը»:
Թանգարանի պատմությունը սկսվեց 1988 թվականին, երբ ռեժիսորի ընկեր և գաղափարակից Զավեն Սարգսյանը Երևանում՝ժողովրդական արվեստի թանգարանում, հյուրընկալեց Փարաջանովի աշխատանքների ցուցահանդեսը։ Ոգեշնչված Փարաջանովի խոսքերից և ցուցահանդեսի հաջողությունից՝ Սարգսյանը դիմեց Հայաստանի կառավարությանը՝ ստեղծելու թանգարան, որտեղ կպահպանվեր արվեստագետի վառ ժառանգությունը։ Փարաջանովն անձամբ ընտրեց Ձորագյուղում կառուցված ներկայիս շենքն իր գեղատեսիլ միջավայրի համար։
Թեև Փարաջանովը չկարողացավ տեսնել իր երազանքի ավարտը, թանգարանը բացվեց իր շնչով և այսօր ևս իր յուրահատուկ ցուցանմուշներով, միջավայրով, շարունակում է մնալ երևանցիների և հյուրերի համար՝ քաղաքի գրավիչ ու ինքնատիպ մշակույթային օջախներից մեկը։ Նրա ֆիլմերը, կոլաժները և արվեստի գործերը շարունակում են գերել և միմյանց կապել մարդկանց ամբողջ աշխարհից: