Վրաստան Հայաստան

Նախաճաշ հյուրանոցում: Թբիլիսին (բառացիորեն «Տաք աղբյուր») Վրաստանի մայրաքաղաքն ու ամենամեծ քաղաքն է, որը գտնվում է Մտկվարի գետի ափին, հիմնադրվել է 5-րդ դարում Վախթանգ Գորգասալի կողմից: Թբիլիսիի տեսարժան վայրերի շրջագայությունը ներառում է զբոսանք հին քաղաքով՝ Սամեբա տաճար և Մետեխի եկեղեցի,  Վախթանգ Գորգասալ թագավորի արձան, Աբանոտուբանի թաղամաս, որը հայտնի է իր ծծմբային աղբյուրներով, Նարիկալա ամրոց, Քարվասլա, Սիոնի տաճար, Ազատության հրապարակ, Խաղաղության կամուրջ, Անչիշատի, Քաշվեթի եկեղեցիներ, Շարդեն փողոց, Շոթա Ռուսթավելի պողոտա:

Գիշերակաց Թբիլիսիում:

Նախաճաշ հյուրանոցում.

Բացահայտեք Վրաստանի հիասքանչ բնապատկերները անցնելով պատմական ռազմավիրական ճանապարհով՝ դարավոր երթուղի, որ ոլորվում է Մեծ Կովկասյան լեռներով, կապելով հարավը հյուսիսի հետ:

Այցելություն  17-րդ դարում կառուցված Անանուրի՝ պատմական ամրոցային համալիր, որը ժամանակին ծառայել է իբրև Արագվիի իշխանների նստավայր: Պաշտպանական պարիսպներով և դիտաշտարակներով շրջապատված համալիրը ներառում է գեղեցիկ պահպանված եկեղեցի, որ զարդարված է արժեքավոր բարձրաքանդակներով:

Շարունակելով  ճանապարհորդությունը հասնում ենք Գուդաուրի՝ հայտնի լեռնադահուկային հանգստավայր, որը գտնվում է ծովի մակարդակից 2000 մետր բարձրության վրա:  Մեծ Կովկասի հարավային լանջերին կառուցված Գուդաուրին հայտնի է իր  լեռնային տեսարաններով և արկածային սպորտաձևերի համար լավագույն պայմաններով

Ուղևորությունն դեպի հյուսիս  մեզ տանում է դեպի 2385 մետր բարձրության վրա գտնվող գեղատեսիլ Ջվարի լեռնանցքը: Հիասքանչ լեռնային տեսարաններով լեռնանցքը առանցքային կետ է եղել հնագույն առևտրային ճանապարհի երկայնքով՝  կապելով Վրաստանը Ռուսաստանի հետ:

Ստեփանծմինդան (Կազբեկի)՝ լեռնային յուրահատուկ բնության գրկում գտնվող Վրաստանի սահմանային քաղաքը,  Կազբեկի լեռան (ծովի մակերևույթից 5033 մետր բարձրություն) ստորոտում է և գերում է իր հմայքով:

Ճանապարհն դեպի Գերգեթիի Սուրբ Երրորդություն եկեղեցի անցնում է լեռնային ոլորապտույտ կածաններով և ձորերով:  4X4 մեքենաներով  ճանապարհորդությունն ինքնին արկած է, որը մեզ տանում է դեպի Վրաստանի ամենահայտնի և գեղատեսիլ  վայրերից մեկը: Սուրբ Երրորդություն եկեղեցին գտնվում է 2170 մետր բարձրության վրա և 14-րդ դարի ճարտարապետական ​​գլուխգործոց է: Լեռնակատարին կառուցված այս  վանքից բացվում են Կազբեկ լեռան ապշեցուցիչ համայապատկերով  անզուգական տեսարաններ:

Վերադարձ Թբիլիսի։ Գիշերակաց։

Նախաճաշ հյուրանոցում։ Մեքենայով ուղևորություն դեպի Վրաստանի արևելյան հատված՝ Կախեթի շրջան, որը  հայտնի է իր խաղողի այգիներով և գինեգործարաններով։ Այցելություն Սիգնաղի՝ հին քաղաք, որը հայտնի է նաև որպես «Սիրո քաղաք», քարե սալարկված փողոցներով և հին վրացական ոճի պատշգամբներով։ Այցելեք Բոդբեի վանք, որը կառուցվել է 9-րդ դարում, որն այժմ գործում է որպես վանք և Վրաստանի հիմնական ուխտագնացության վայրերից մեկն է։

Վերադարձ դեպի Թբիլիսի։ Գիշերակաց Թբիլիսիում։

Նախաճաշ հյուրանոցում։ Ուղևորություն դեպի Հայաստան,  սահմանային ընթացակարգեր։

Ճանապարհորդություն  լեռնային հանգստավայր Դիլիջան կամ այսպես կոչված «Հայկական Շվեյցարիա», որը հայտնի է իր անտառներով, ինչպես նաև իր բազմերանգ բուսական և կենդանական աշխարհով:

Զբոսանք Դիլիջանի արհեստագործական թաղամասով , որտեղ տեղացի արհեստավորները պատրաստում են փայտից, քարից և կավից ձեռագործ հուշանվերներ:

Այցելություն Հաղարծինի վանական համալիր, որը գտնվում է մեկուսի և խորն անտառում: Հաղարծինը թվագրվում է XI-XIII դ և միջնադարյան հայ վանական ճարտարապետության գլուխգործոցներից է: Անսպասելիորեն հայտնվելով այցելուների առջև խիտ անտառներից՝ վանքը ստեղծում է կորուսյալ աշխարհի կախարդական տպավորություն։ Վանական համալիրը ներառում է Սուրբ Ստեփանոս, Սուրբ Մարիամ և Սուրբ Գրիգոր եկեղեցիները, ինչպես նաև հայտնի սեղանատունը, որը միջնադարյան հայկական ճարտարապետության լավագույն նմուշներից է:

2005 թվականին վանք այցելելուց հետո, Նորին Մեծություն Շեյխ Սուլթան բին Մոհամմեդ Ալ Քասիմին առատաձեռն նվիրատվություն կատարեց  վանքի վերանորոգման և պահպանման համար՝ իբրև  մարդկության հարուստ պատմության գեղեցիկ վկայության:

Ուղևորության մյուս հանգրվանն  Սևանա լիճն է, որը Հայաստանի հրաշալիքներից մեկն է: Այս կապույտ մարգարիտը Եվրասիայի ամենամեծ բարձր լեռնային քաղցրահամ լճերից  է: Պարզ և արևոտ օրը ջուրը հաճախ խորը փիրուզագույն է: Լճի ընդհանուր մակերեսը 940 կմ² է: Վերելք թերակղզի, որտեղից բացվում է Սևանա լճի և շրջակա լեռների հմայիչ  տեսարան: Այցելություն 9-րդ դարում կառուցված Սևանավանք, որը դարեր շարունակ  վեհորեն կանգնած է բարձունքի վրա՝ ասես հսկելով յիճը:

Հաջորդ կանգառն  Ծաղկաձորում է՝ անտառապատ լեռների կախարդական վայր։ Կարճ զբոսանք  քաղաքում։ Այցելություն Կեչառիս վանք / 11-13 դդ/։ Հնարավորություն բարձրանալու լեռնագագաթ ճոպանուղով, որտեղից կարելի է հիանալ լեռների և բնաշխարհի հիասքանչ համայնապատկերով։

Ժամանում Երևան։ Տեղավորում ընտրված հյուրանոցում։

Շրջագայություն  հին  և միևնույն ժամանակ արդիական գեղեցիկ  երևանում։ Զբոսանք  քաղաքի կենտրոնում, որ ներառում է ծանոթացում  Հանրապետության հրապարակի, Հյուսիսային պողոտայի,Աբովյան փողոցի,  օպերայի և բալետի շենքի, խորհրդարանի և ՀՀ նախագահի նստավայրի, պետական ​​համալսարանի, Մայր Հայաստան հուշարձանի, Մարզահամերգային համալիրի հետ։ Այցելություն Ծիծեռնակաբերդ՝ Հայոց Ցեղասպանության զոհերի հուշարձան, ինչպես նաև Ցեղասպանության  թանգարան, որը ոգեկոչում է 20-րդ դարի առաջին ցեղասպանության ժամանակ Արևմտյան Հայաստանում և Օսմանյան կայսրության տարածքում զոհված 1.5 միլիոն հայերի հիշատակն։

Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։: Կասկադի վերևից՝ Մոնումենտից, բացվում է հիասքանչ տեսարան դեպի քաղաք և   Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:

Այս վայրն էլ ավելի հմայիչ է դառնում երեկոյան ժամերին, երբ բազմաթիվ սրճարաններն լի են ինչպես տեղացիներով, այնպես էլ աշխարհի տարբեր ծայրերից ժամանած զբոսաշրջիկներով։ Ամռանն Կասկադը վեր է ածվում բացօթյա համերգների վայրի և ամենուր տարածվում է  մայրաքաղաքի յուրահատուկ ջերմությունն ու շունչը։

Կամընտրելի․ Շրջագայություն  աշխարհահռչակ Երևանի «Արարատ» կոնյակի գործարանում, որը 1887 թվականից ի վեր պահպանում է լեգենդար կոնյակի արտադրության ավանդույթները: Մեկ ժամվա ընթացքում այցելուները հնարավորություն կունենան ծանոթանալ  կոնյակի արտադրության գործընթացին, գործարանի թանգարանին կկարողանան համտեսել կոնյակի  տեսակներ՝ տարբեր  ազդեցության աստիճաններով, ինչպես նաև ձեռք բերել իսկական հայկական կոնյակ անմիջապես գործարանի խանութում:

Այցելություն Դալմա Գարդեն կամ Yerevan Mall՝ գնումներ կատարելու համար։ Ազատ ժամանակ շոփինգի համար։

Գիշերակաց  Երևանում։

Նախաճաշ հյուրանոցում։

Այցելություն Գառնիում գտնվող  արևի աստծոն՝ Միհրին  նվիրված Հայաստանում եզակի պահպանված հեթանոսական տաճար։Այն կառուցվել է մթ․ 77 թվականին հայ Արշակունի Տրդատ թագավորի կողմից։ Ճանապարհին լուսանկարչական կանգառ Չարենցի կամարի մոտ։ Այցելություն  թագավորական պալատի և  բաղնիքի հնավայրեր։

Ընտանեկան ճաշ մասնավոր գյուղական տանը, հայկական ավանդական հացի՝լավաշի հարյուրամյակներ շարունակվող տեխնոլոգիայով պատրաստման ցուցադրությամբ։

Շարունակեք շրջագայությունը դեպի հայ ճարտարապետական մտքի թռիչքներից մեկը հանդիսացող կիսաքարանձավային Գեղարդավանք, որը թվագրվում է 12-13-րդ դարերով և իր անունը ստացել է Սուրբ Գեղարդից։ Խաչված Քրիստոսի մարմինը խոցած Սուրբ մասունքը Հայաստան էր  բերվել Սբ Թադեոս առաքյալի կողմից և նախքան Սբ Էջմիածին տեղափոխելը,դարեր շարունակ պահպանվում էր վանական համալիրում։

Վերադարձ  Երևան։ Այցելություն Վերնիսաժ՝ բացօթյա ցուցահանդես-շուկա։

Գիշերակաց  Երևանում։

Նախաճաշ հյուրանոցում։ Տեղափոխում  օդանավակայան։ Մեկնում։