Մեկշաբաթյա տուր Հայաստանում՝մեկօրյա ջիփինգով

Ժամանում Թբիլիսի տեղական ժամանակով մոտավորապես ժամը 23:00-ին — տեղափոխում դեպի վրաց/հայկական սահման — Ալավերդի

Ժամանում Թբիլիսի — տեղափոխում դեպի վրաց-հայկական սահման, սահմանի հատում և ուղևորություն դեպի Ալավերդի քաղաք։ Տեղավորում հյուրանոցում։

Գիշերակաց Ալավերդիում։

Նախաճաշ հյուրանոցում ։ Շրջագայություն հյուսիսային Հայաստանում՝ անտառապատ լեռների և խորը կիրճերի կախարդական բնաշխարհում։ Այցելություն հայկական միջնադարյան ճարտարապետության գլուխգործոցներ՝ Սանահինի վանական համալիր (9-12-րդ դդ.) և Հաղպատավանք(11-13-րդ դդ.), որոնք ներառված են ՅՈՒՆԵՍԿՕ-ի համաշխարհային ժառանգության ցանկում (2000թ.)։

Մեկնում Երևան։ Գիշերակաց Երևանում։

Նախաճաշ հյուրանոցում։ Այցելություն գունագեղ և կյանքով լի արվեստի ու արհեստների տոնավաճառ՝ Վերնիսաժ։

Շրջագայություն  հին  և միևնույն ժամանակ ժամանակակից գեղեցիկ  երևանում։ Զբոսանք  քաղաքի կենտրոնում, որ ներառում է ծանոթացում  Հանրապետության հրապարակի, Հյուսիսային պողոտայի,Աբովյան փողոցի,  օպերայի  շենքի, պետական համալսարանի, Մայր Հայաստան հուշարձանի հետ, կարճ զբոսանք Հաղթանակի զբոսայգում՝ հայ-հրեական բարեկամության ծառուղով ։

Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։: Կասկադի վերևից՝ Մոնումենտից, բացվում է հիասքանչ տեսարան դեպի քաղաք և   Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:

Այս վայրն էլ ավելի հմայիչ է դառնում երեկոյան ժամերին, երբ բազմաթիվ սրճարաններն լի են ինչպես տեղացիներով, այնպես էլ աշխարհի տարբեր ծայրերից ժամանած զբոսաշրջիկներով։ Ամռանն Կասկադը վեր է ածվում բացօթյա համերգների վայրի և ամենուր տարածվում է  մայրաքաղաքի յուրահատուկ ջերմությունն ու շունչը։

Այցելություն Հոլոքոստի հուշարձան և հրեական սինագոգ, զբոսանք Մարզահամերգային համալիրով, խոնարհում 1915 թվականի Հայոց Ցեղասպանության զոհերի հիշատակին նվիրված  հուշարձանի մոտ և այցելություն Ցեղասպանության թանգարան։

Ընթրիք ռեստորանում՝ ժողովրդական երաժշտության ներկայացմամբ։ Գիշերակաց Երևանում։

Նախաճաշ հյուրանոցում։

Ուղևորություն  Արարատյան դաշտավայրով։ Այցելություն Խոր Վիրապ վանական համալիր՝ որտեղ  հայոց թագավորի կողմից մեղադրվելով քրիստոնեություն քարոզելու մեջ՝ 13 տարի, խոր զնդանում, բանտարկված է եղել Սբ Գրիգոր Լուսավորիչը։  Այն քրիստոնեական աշխարհի սրբավայրերից մեկն է։ Այստեղից  բացվում է հիասքանչ  տեսարան դեպի Բիբլիական Արարատ լեռ, որ փայլում է իր երկու ձյունափառ գագաթներով։ Խոր Վիրապի շրջակա բլուրներում է կառուցվել Արտաշեսյան Հայաստանի շքեղ մայրաքաղաքը՝Արտաշատը։ Այն  հին աշխարհի սակավաթիվ քաղաքներից  է, որը կառուցվել է հատուկ նախագծմամբ՝  Կարթագենի նշանավոր զորավար Հաննիբալի հեղինակությամբ,որն Հռոմի դեմ պատերազմում պարտությունից հետո  ապաստան էր գտել Հայաստանում։

Շրջագայության շարունակում դեպի Արենի գյուղ, գինու համտես տեղական գործարանում։ Արենին հայտնի է իր գինեգործության պատմությամբ։  Վերջերս կատարված հնագիտական ​​պեղումների ժամանակ հայտնաբերվել է 6100 տարեկան գինեգործարան և 5 գինու մառան: Հնագետները հայտնաբերել են խաղող քամելու, գինի խմորելու և պահելու համար նախատեսված տարաներ, խմելու բաժակներ, խաղողի որթեր և սերմեր։ Այս գտածոները վկայում են հնագույն գինեգործության բարձր մակարդակի մասին Հայաստանի տարածքում:

Ճանապրհորդության հաջորդ նպատակակետը Նորավանք (13-14 դդ.) վանական համալիրն է։ Ուղևորությունն անցնում է  անհավանական գեղեցիկ կարմրագույն ժայռաբեկորներով ամփոփված լեռնային ճանապարհով և այնքան տպավորիչ է,որ  այցելուները չեն կարողանում դիմադրել մեքենայից դուրս գալու, լուսանկարվելու և  քայլքով դեպի վանք բարձրանալու գայթակղությանն։

Մեքենայով ուղևորություն դեպի Եղեգիս գյուղ՝ XIII-XIV դարերում Պարսկաստանից Հայաստան եկած հրեական համայնքի հին բնակավայր։ Այցելություն մոտակայքում գտնվող գերեզմանատուն։  Հրեերեն և արամեերեն լեզուներով 62 տապանաքարերն  թվագրվում են XIII դարի 50-ական թվականներից մինչև XIV դարի սկիզբը և պատմագիտական մեծ արժեք են ներկայացնում։

Գիշերակաց Երևանում:

Նախաճաշ հյուրանոցում։ Այնուհետև ուղևորություն դեպի Գառնիի Հայաստանում եզակի հեթանոսական տաճար, նվիրված Արևի աստվածությանն՝ Միհրին։ Տաճարն կառուցվել է մ.թ. 77 թվականին Տրդատ թագավորի (Արշակունյաց հարստություն) կողմից։ Ճանապարհին՝ լուսանկարվելու նպատակով, կանգառ Չարենցի կամարի մոտ, որտեղից բացվում է գեղեցիկ տեսարան դեպի Արարատ և շրջակա բնություն։ Տաճարը հունա-հռոմեական ոճի է՝ բնորոշ սյունաշարով։ Այն հպարտորեն կանգնած է ժայռոտ ելուստի վրա՝ որտեղից բացվում է դեպի անդնդախոր կիրճ  գեղեցիկ տեսարան։  Ամրոցն Արշակունի արքայատոհմի ամառային նստավայրն էր։ Այցելություն մոտակա թագավորական պալատի և թագավորական բաղնիքի ավերակներ։

Այցելություն Սուրբ Գեղարդի հազվագյուտ ժայռափոր տաճար (12-13-րդ դարեր), որն անվանակոչվել է   այստեղ երկար ժամանակ պահված  Սուրբ Գեղարդի անունով, որով ընդհատեցին Քրիստոսի  տառապանքները (այժմ մասունքը  ​​գտնվում է Սուրբ Էջմիածնի թանգարանում): Տաճարը գտնվում է բարձր լեռներում՝ Ազատ գետի գեղատեսիլ կիրճում: Այն հայ միջնադարյան ճարտարապետության գլուխգործոց է: Համալիրը բաղկացած է գլխավոր եկեղեցուց, երկու քարանձավային եկեղեցիներից և դամբարանից: Գեղարդի վանքը ներառված է ՅՈՒՆԵՍԿՕ-ի համաշխարհային ժառանգության ցանկում (2000):

Ծրագիրը ներառում է ընտանեկան ճաշ գյուղական տանը և  թոնիրի մեջ ավանդական հայկական հացի՝լավաշի  պատրաստման գործընթացի դիտում։

Գիշերակաց Երևանում։

Նախաճաշ հյուրանոցում: 4×4 ջիպերի վարձույթ և ուղևորություն դեպի Ամբերդ ամրոց (11-13-րդ դդ.)՝ Պահլավունի իշխանների նստավայր: Համալիրը կառուցվել է՝ 11-13-րդ դարերում Արագած լեռան լանջին՝ ծովի մակարդակից 2300 մետր բարձրության վրա։ Այցելություն բերդամրոցի եկեղեցի: Այնուհետև շարունակեք ուղևորությունը դեպի Հայոց Այբուբենի այգի, որտեղ մարդահասակ տուֆից պատրաստված հայոց այբուբենի  տառերը ցրված են հրաբխային քարադաշտում: Կանգառ լուսանկարվելու համար:

Վերադարձ  Երևան, գիշերակաց Երևանում:

Նախաճաշ հյուրանոցում: Ուղևորություն դեպի Սևանա լիճ՝ Եվրասիայի ամենաբարձր քաղցրահամ լեռնային լճերից մեկը: Սևանում բարձրանալով  թերակղզի, հիացեք Սևանա լճի շունչ կտրող համայնապատկերով և Սևանավանքով: Կանգառ լուսանկարվելու համար: Նավով զբոսանք Սևանա լճով:

Այնուհետև  ուղևորություն դեպի լեռնային հանգստավայր Դիլիջան կամ «Հայկական Շվեյցարիա»՝ խիտ անտառներով և գեղեցիկ լեռներով բնական հրաշալիք: Խորհրդային ժամանակաշրջանում ներկայիս Դիլիջանի տարածքը հանգստավայր էր արվեստագետների, երաժիշտների, գրողների և մտավորականների համար, ովքեր այստեղ էին գալիս ոգեշնչվելու չքնաղ բնապատկերներով: Քաղաքային զբոսանք արհեստավորների փողոցով:

Տեղավորում հյուրանոցում: Գիշերակաց Դիլիջանում:

Նախաճաշ հյուրանոցում: Ճանապարհորդություն դեպի Սադախլո՝ հայ վրացական սահման։ Սահմանի հատում, դիմավորում  և ուղևորություն Թբիլիսի: Էքսկուրսիա Թբիլիսիի տեսարժան վայրերով,որ ներառում է Հին և Նոր քաղաքները: Հին Թբիլիսի այցելությունը սկսվում է Մետեխի եկեղեցուց, այնուհետև զբոսանք ծանոթացում գմբեթավոր ծծմբային աղբյուրների, Նարիկալա ամրոցի հետ։Վերջինս  քաղաքի ամենահին ամրաշինություններից մեկն է: Այնուհետև այցելություն սինագոգ, Սիոնի տաճար և Անչիսխատի եկեղեցի: Զբոսանք Ռուսթավելի պողոտայով՝ Թբիլիսիի գլխավոր փողոցով։

Մոտ 19:00-ին տեղափոխում օդանավակայան։ Մեկնում։