Վրաստան և Հայաստան․Կովկասի մշակույթի ու բնական գեղեցկության բացահայտումը
Տարածաշրջանային տուրեր
7 օր / 6 գիշեր
հասանելիություն
Ամբողջ տարի
Սկսեք հիասքանչ 7-օրյա ճանապարհորդություն երկու հնագույն քաղաքակրթությունների բնօրրանում՝ Վրաստանում և Հայաստանում։ Այցելեք գունեղ մայրաքաղաքներ, միջնադարյան վանական համալիրներ, հիացեք բարձրադիր լճերով և հիասքանչ բնապատկերներով։ Ծանոթացեք տեղական մշակույթին, ճաշակեք ավանդական գինիներ, շրջեք հնագույն բերդամրոցներում և վայելեք ջերմ հյուրընկալությունը։
Մանրամասն նկարագրություններ
Ժամանում Թբիլիսի – Քաղաքային շրջայց
Բարի գալուստ Վրաստան։ Դիմավորում օդանավակայանում, տեղափոխում հյուրանոց։
Քաղաքային շրջայցը հնագույն մայրաքաղաքով ներառում է այցելություն Սամեբա և Մետեխի վանքեր, Նարիկալա ամրոց ( ճոպանուղիով), Աբանոտուբանի թաղամաս՝ հայտնի իր ծծմբային աղբյուրներով, Սիոնի տաճար և Անչիսկաթի եկեղեցի։
Քայլեք խաղաղության կամրջով, զբոսնեք թատրոններով, թանգարաններով և պատմական շենքերով հայտնի Ռուսթավելու պողոտայով։
Գիշերակաց Թբիլիսիում։
Թբիլիսի – Սիղնաղի՝ Սիրո քաղաք – Բոդբե – Գինու համտեսում
Նախաճաշից հետո մեկնեք դեպի Սիղնաղի՝ սիրո քաղաք։ Զմայլվեք միջնադարյան ամրոցի պարիսպներով, հին փողոցներով և Ալազանի հովտի հիասքանչ տեսարաններով։
Այցելեք Բոդբեի վանք`սրբատեղի,ուր հանգչում է Սուրբ Նինոն։ Այնուհետև վայելեք գինու համտես Կախեթիայում՝ Վրաստանի հայտնի գինեգործական մարզում։
Գիշերակաց Թբիլիսիում։
Թբիլիսի – Դաշբաշի կիրճ – Կրիայի լիճ – Թբիլիսի
Մեկնեք դեպի Դաշբաշի կիրճ՝ հայտնի իր ապշեցուցիչ ժայռերով և ջրվեժներով։ Մասնակցեք կամընտրելի արկածային ուղևորությունների՝ ճոպանուղով, բնության տեսարանների լուսանկարահանումներով, կամ կիրճի միջով նավակային զբոսանքի։
Վերադարձ Թբիլիսի։ Հանգիստ Կրիայի լճի մոտ՝ բնության գրկում։
Գիշերակաց Թբիլիսիում
Թբիլիսի – Սադախլո – Հաղպատի վանք (ՅՈՒՆԵՍԿՕ) – Դիլիջան – Սևանա լիճ – Երևան
Հատելով Վրաստան-Հայաստան սահմանը՝ ուղևորվեք դեպի Հաղպատավանք՝ միջնադարյան ճարտարապետության գոհար և ՅՈՒՆԵՍԿՕ-ի ժառանգությանցանկում ներառված հուշարձան։
Ճանապարհորդության շարունակում դեպի Դիլիջան լեռնային հանգստավայր, որը հաճախ անվանում են «Հայկական Շվեյցարիա»։ Այն գտնվում է բարձր լեռներում (1200-1500 մ) և հիացնում է կուսական սոճու անտառներով ծածկված բնապատկերներով
Ուղևորություն դեպի բարձրլեռնային Սևանա լիճ՝ Հայաստանի հրաշալիքներից մեկը։ Շլացուցիչ փիրուզագույն լիճը՝ լեռների գրկում իր վեհաշուք համայնապատկերով դեպ իրեն է ձգում ոչ միայն զբոսաշրջիկների և հանգստացողների, այլև ոգեշնչման աղբյուր է շատ նկարիչների ու արվեստագետների համար։ Այցելություն Սևանա թերակղզի, որի բարձունքում է միջնադարյան Սևանավանք վանական համալիրը։ Այստեղից բացվում է լճի աննկարագրելի գեղեցիկ տեսարան։
Ժամանում Երևան։
Գիշերակաց Երևանում։
Երևան – Քաղաքային շրջայց
Շրջագայություն հին և ժամանակակից երևանում։ Զբոսանք քաղաքի կենտրոնում, որ ներառում է ծանոթացում Հանրապետության հրապարակի, Հյուսիսային պողոտայի, օպերայի և բալետի շենքի, խորհրդարանի և ՀՀ նախագահի նստավայրի հետ։Այցելություն Ծիծեռնակաբերդ՝ Հայոց Ցեղասպանության զոհերի հուշարձան, ինչպես նաև Ցեղասպանության թանգարան, որը ոգեկոչում է 20-րդ դարի առաջին ցեղասպանության ժամանակ Արևմտյան Հայաստանում և Օսմանյան կայսրության տարածքում զոհված 1.5 միլիոն հայերի հիշատակն։
Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։ Կասկադի վերևից՝ Մոնումենտից, բացվում է հիասքանչ տեսարան դեպի քաղաք և Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:Այս վայրն էլ ավելի հմայիչ է դառնում երեկոյան ժամերին, երբ բազմաթիվ սրճարաններն լի են ինչպես տեղացիներով, այնպես էլ աշխարհի տարբեր ծայրերից ժամանած զբոսաշրջիկներով։ Ամռանն Կասկադը վեր է ածվում բացօթյա համերգների վայրի և ամենուր տարածվում է մայրաքաղաքի յուրահատուկ ջերմությունն ու շունչը։
Երեկոյան վայելեք Երգող շատրվանների շոուն Հանրապետության հրապարակում, որտեղ ջուրը, լույսը և երաժշտությունը միահյուսվում են կախարդական ներկայացման մեջ՝ բաց երկնքի տակ։
Գիշերակաց Երևանում։
Երևան – Արարատյան դաշտ – Խոր Վիրապ վանք – Ազատի ջրամբար – Գառնու տաճար – Գեղարդավանք (ՅՈՒՆԵՍԿՕ) – Երևան
Նախաճաշից հետո ուղևորություն Արարատյան դաշտավայրով դեպի Խոր Վիրապ վանական համալիր։ Այստեղից բացվում է Աստվածաշնչյան Արարատ լեռան եզակի գեղեցկության համայնապատկերն՝ իր ձյունաճերմակ գագաթներով։ Սրբավայրում է զնդանը,ուր Գրիգոր Լուսավորիչը 13 տարի բանտարկվել է Տրդատ թագավորի հրամանով՝ Հայաստանում քրիստոնեությունը տարածելու համար։ 301 թվականին ազատ արձակվելուց հետո Գրիգոր Լուսավորիչը օծեց հայ ժողովրդին, և քրիստոնեությունը Հայաստանում ընդունվեց որպես պետական կրոն։
Շարունակեք ճանապարհը դեպի Ազատի ջրամբար, որը Հայաստանի ամենագեղեցիկ և կարևոր նշանակության ջրամբարներից է։ Այն գտնվում է Արարատի մարզում՝ ծովի մակարդակից 1050 մետր բարձրության վրա: Կառուցված Ազատ գետի վրա, այս ջրամբարը զբաղեցնում է 2.85 քառակուսի կիլոմետր տարածք և ունի 24.5 մետր խորության:
Ուղևորություն դեպի Գառնի գյուղում գտնվող Արևի Միհր աստվածությանն նվիրված գեղեցիկ հեթանոսական տաճար (մ.թ. 1-ին դար): Կառուցված լինելով դեպի խորը կիրճ բացվող բարձունքի վրա՝ հելենական ոճին բնորոշ ճարտարապետությամբ, կառույցն բնության հետ ներդաշնակ ամբողջություն է կազմում և հիացնում իր գեղեցկությամբ։
Գառնիի ամրոցը ծառայել է իբրև Արշակունիների թագավորական տան ամառային նստավայր: Կան հունարեն գրություններ, որոնցից հետևում է, որ տաճարը կառուցվել է մ.թ. 77 թվականին Տրդատ I թագավորի (Արշակունիների արքայատոհմ) կողմից:
Այցելություն Սուրբ Գեղարդի հազվագյուտ ժայռափոր տաճար (12-13-րդ դարեր), որն անվանակոչվել է այստեղ երկար ժամանակ պահված Սուրբ Գեղարդի անունով, որով ընդհատեցին Քրիստոսի տառապանքները (այժմ մասունքը գտնվում է Սուրբ Էջմիածնի թանգարանում): Գեղարդի վանքը ներառված է ՅՈՒՆԵՍԿՕ-ի համաշխարհային ժառանգության ցանկում (2000):
Ճաշ գյուղական ընտանիքում, մասնակցություն թոնիրում հայկական հացի՝ լավաշի պատրաստման յուրահատուկ գործընթացին:
Վերադարձ Երևան:
Գիշերակաց Երևանում։
Մեկնում
Նախաճաշից հետո տեղափոխում օդանավակայան։ Մեկնում։
Տուրփաթեթի գինը մեկ անձի համար երկտեղանոց սենյակում (ՀՀ դրամով)