Ինտենսիվ տուր Հայաստանում

Դիմավորում Երևանի օդանավակայանում և ուղևորություն Արարատյան դաշտավայրով: Հիացեք  բիբլիական Արարատ լեռան  երկու վեհաշուք սպիտակ գագաթների վրա բացվող արևածագի ցնցող գեղեցկությամբ:

Այնուհետև ուղևորվեք Խոր Վիրապ վանական համալիր՝  սրբավայր, որտեղ Սուրբ Գրիգոր Լուսավորիչը բանտարկվել է Հայաստանում քրիստոնեությունը տարածելու համար:Այցելեք զնդանը, որտեղ նա բանտարկվել է  13 տարի: Սա  Հայաստանի ամենասուրբ քրիստոնեական վայրերից մեկն է, քանզի Խոր Վիրապից ազատվելուց հետո էր,որ 301 թվականին քրիստոնեությունն ընդունվեց երկրում իբրև պետական կրոն:

Խոր Վիրապին հարակից բլուրներում է  Հայաստանի հնագույն մայրաքաղաք Արտաշատի պեղավայրը: Կառուցված մ.թ.ա.  180 թվականին Արտաշեսյան արքայատոհմի հիմնադիր Արտաշես I թագավորի կողմից հին աշխարհի խոշոր քաղաքներից մեկը՝ Արտաշատը ուներ մանրամասն հատակագիծ: Ըստ ավանդությանայն  Արտաշատն նախագծվել է հայտնի կարթագենացի զորավար Հաննիբալի կողմից, որը Հռոմի դեմ պատերազմում պարտությունից հետո ապաստան էր գտել Հայաստանում:

Խոր Վիրապից հետո վայելեք գեղատեսիլ ճանապարհորդություն կարմիր ժայռերով ամփոփված կիրճերով դեպի Նորավանք (13-րդ դար): Այստեղ, տեղական պանդոկում ձեզ սպասում է համեղ նախաճաշ, այնուհետև զբոսանք այս պատմական վանքում, որը ցնցում է իր գեղեցկությամբ: Վանքը շրջապատող ժայռերի վրա արևի լույսի փոխազդեցությունը ստեղծում է բնության հետ միասնության ազդեցիկ զգացողություն:

Հաջորդը կանգառն Արենի գինու գործարանում է՝ գինու համտես անցկացնելու Հայաստանի պատմական գինեգործական շրջաններից մեկում, որը նշանավոր է աշխարհի ամենահին գինեգործարաններից մեկի պեղավայրով:

Ավարտեք ձեր օրը  Տաթևի վանք ուղևորությամբ, վայելեք  «Տաթևի թևեր»՝աշխարհի ամենաերկար  երկկողմանի հետադարձելի օդային ճոպանուղով զբոսանքն: 5.7 կմ (3.5 մղոն) երկարությամբ այս անսովոր ճանապարհորդությունը ձեզ կտանի Որոտանի կիրճի վրայով դեպի Տաթևի վանք՝  9-13-րդ դարերի խոշոր հոգևոր կենտրոն: Գտնվելով անմատչելի կիրճում՝ Տաթևը ժամանակի հայկական մշակույթի և գիտության կարևոր կենտրոն էր, որտեղ ապրել են փիլիսոփաներ, երաժիշտներ, նկարիչներ, գեղագիրներ և վանականներ: Տաթևը միջնադարում  Սյունիքի իշխանության կրոնական և քաղաքական սիրտն էր: Այնուհետև մեկնում դեպի Գորիս։ Գիշերակաց հյուրանոցում և ընթրիք։

Նախաճաշից հետո, ուղևորություն Սելիմի լեռնանցքով, այցելություն Սելիմի քարավանատուն, որը կառուցվել էր 14-րդ դարում և կարևոր իջևան էր  Մետաքսի ճանապարհին՝ Սևանա լիճ տանող  ճանապարհին: Սևանա լիճը աշխարհի մեծ բարձրլեռնային քաղցրահամ լճերից մեկն է,որ հիացնում է իր գեղեցկությամբ: Այցելություն թերակղզում կառուցված Սևանավանք, որտեղից բացվում է լճի և շրջակա լեռների տպավորիչ համայնապատկերը:

Ուղևորությունը շարունակեք դեպի հմայիչ Դիլիջան քաղաք, որը հաճախ անվանում են «Հայկական Շվեյցարիա»՝ իր փարթամ անտառների և կուսական  բնության համար: Ճանապարհորդության ընթացքում կարելի է վայելել  լեռնային լճից դեպի կանաչ անտառապատ լեռներով տարածաշրջան անցման փոփոխությունը:

Զբոսանք Դիլիջանի արհեստավորական թաղամասում՝ այցելություն տեղացի արհեստավորներին,  որոնք պատրաստում են փայտից, քարից և կավից պատրաստված ավանդական հուշանվերներ:

Ուղևորություն դեպի Հաղարծնի վանական համալիր (11-13-րդ դարեր): Անսպասելիորեն խիտ անտառից այցելուների առջև հառնելով՝ վանքը ստեղծում է կորուսյալ աշխարհի կախարդական տպավորություն: Հաղարծինը  պատմության, մշակույթի և ճարտարապետության հիասքանչ ստեղծագործություն է:

Գիշերակաց Դիլիջանում:

Ճանապարհորդեք դեպի հյուսիս՝ Սանահինի և Հաղպատի միջնադարյան ճարտարապետական հուշարձաններ, որոնք երկուսն էլ ՅՈՒՆԵՍԿՈ-ի Համաշխարհային ժառանգության ցանկում են ու  հիացնում են շինարարական մտքի կատարելությամբ և գեղեցիկ բնությամբ: Ծանոթացեք այս միջնադարյան կարևոր գիտակրթական կենտրոնների հարուստ պատմությանը, ներշնչվեք հայկական մշակույթային կոթողների և բնության ներդաշնակ գեղեցկությամբ։

Հաջորդիվ այցելեք Ախթալայի վանք, որը հայտնի է իր լավ պահպանված որմնանկարներով։

Շարունակեք ճանապարհը դեպի Շիրակի մարզ, Երևանից 130 կմ հեռավորության վրա գտնվող Հայաստանի երկրորդ խոշոր քաղաք՝ Գյումրի:  Այն հայտնի իր յուրահատուկ մշակութային ավանդույթներով և հյուրընկալ մթնոլորտով։ Զբոսանք պատմական Կումայրիում՝  18-րդ և 19-րդ դարերի ճարտարապետությանն բնորոշ կառույցներով թաղամասում: Փոքրիկ արհեստագործարաններն ու կրպակները, սրճարաններն ու թանգարաններն ստեղծում են այդ ժամանակների տիպիկ հայկական քաղաքի հարմարավետ մթնոլորտ։

Տեղավորում հյուրանոցում, գիշերակաց։

Նախաճաշից հետո ուղևորություն դեպի Էջմիածին ՝ Հայաստանի հնագույն մայրաքաղաքներից մեկն ու Հայ Առաքելական Եկեղեցու հոգևոր կենտրոնը: Այցելեք Էջմիածնի տաճար, որն ՅՈՒՆԵՍԿՕ-ի Համաշխարհային ժառանգության վայր է,  հիմնադրվել է մ.թ. 301 թվականին Սուրբ Գրիգոր Լուսավորչի կողմից: Տաճարն  քրիստոնեական աշխարհի հնագույն եկեղեցիներից մեկն է: Հետագայում այն ​​վերակառուցվել է և ներկայումս գործում է որպես համալիր՝ ներառելով Մայր տաճարը, Հոգևոր ակադեմիան, Ամենայն Հայոց Կաթողիկոսի նստավայրը, Հայ Եկեղեցու Սինոդը և գրադարանը։ Տաճարի թանգարանում պահպանվում են Սուրբ Պատարագի սպասարկման  պարագաներ, ոսկուց, արծաթից, թանկարժեք քարերից  զարդեր, գավազաններ, մյուռոնի պատրաստման հսկայական արծաթյա կաթսան և Սուրբ Գեղարդը:

Այնուհետև այցելություն Հայաստանի ճարտարապետական ​​հրաշալիքներից՝ Զվարթնոցի տաճար: 641-661թվականներին կառուցված այս գլուխգործոցն  իր անվանումն ստացել է «Զվարթ» բառից և հայ ճարտարապետական մտքի թռիչքն է մարմնավորում: Պահպանված բեկորներն անգամ պատկերացում են տալիս տաճարի հազվագյուտ գեղեցկության մասին։ Զվարթնոցն ներառված է ՅՈՒՆԵՍԿՕ-ի համաշխարհային ժառանգության ցանկում (2000 թ.):

Ժամանում Երևան, գիշերակաց:

Նախաճաշ հյուրանոցում.

Բացահայտեք Հայաստանի մայրաքաղաքը ճանաչողական էքսկուրսիայով։ Զբոսնեք Երևանի  կենտրոնում՝ այցելելով Հանրապետության հրապարակ, Հյուսիսային պողոտա, հիացեք Մայր Հայաստան հուշարձանով, Խորհրդարանի շենքով, Նախագահի պալատով, Օպերայի թատրոնի շենքով և Կարապի լճով։

Ձեր հարգանքի տուրքը մատուցեք անմեղ զոհերի հիշատակին՝այցելելով 1915 թվականի Մեծ Եղեռնի  հուշահամալիր և Ցեղասպանության թանգարան:

Այցելեք Մատենադարան (Աշխարհի հիշողություն ՅՈՒՆԵՍԿՕ-ի 1997 թ.), որտեղ պահպանվում է 17000 հնագույն ձեռագրերից բաղկացած աշխարհի նմանատիպ ամենամեծ հավաքածուներից մեկը:

Բացահայտեք Կասկադ համալիրը՝ Երևանի ժամանակակից արվեստի կենտրոնը, որտեղ արվեստի նմուշները ցուցադրված են բաց տարածքում՝ այգում և դեպի բարձունք գնացող աստիճանահարթակներին։: Կասկադի վերևից բացվում է հիասքանչ տեսարան դեպի քաղաք և Արարատ լեռ: Կասկադում է գտնվում Գաֆեսճյան ժամանակակից արվեստի թանգարանը:

Այս վայրն էլ ավելի հմայիչ է դառնում երեկոյան ժամերին, երբ բազմաթիվ սրճարաններն լի են  ինչպես տեղացիներով, այնպես էլ աշխարհի տարբեր ծայրերից ժամանած զբոսաշրջիկներով։ Ամռանն Կասկադը վեր է ածվում բացօթյա համերգների վայրի և ամենուր տարածվում է  մայրաքաղաքի յուրահատուկ ջերմությունն ու շունչը։

Այցելություն կենտրոնական շուկա:

Կամընտրելի. Շատ հետաքրքիր մեկ ժամ շրջայց հայկական կոնյակի գործարանով։ Զբոսաշրջիկներին առաջարկվում է ծանոթանալ գործարանի պատմությանը, կոնյակի պատրաստման գործընթացին, ցուցասրահներին և պահեստասրահներին: Այցելուները ճաշասրահում կունենան նաև 2 տեսակի կոնյակի համտեսում։ Գործարանի տարածքում գտնվող  խանութը հասանելի կլինի նրանց, որ կուզեն ձեռք բերել հայտնի հայկական կոնյակը անմիջապես գործարանից։

Գիշերակաց Երևանում:

Նախաճաշից հետո ուղեւորվեք Գառնի, այցելելու Հայաստանում եզակի պահպանված  հեթանոսական տաճար,  նվիրված  Արեգակի Աստծուն՝ Միհրին։ Այն կառուցվել է մ.թ. 77-թվականին Արշակունյաց Տրդատ Առաջին թագավորի կողմից։ Գառնիի  ամրոցի տարածքում պահպանվել են նաև թագավորական պալատի ավերակները, թագավորական բաղնիքը։

Գառնի Ճանապարհին  կանգառ Չարենցի կամարի մոտ, լուսանկարվելու և  Արարատ լեռան հիասքանչ տեսարանը վայելելու համար:

Այցելելություն  Գառնիի տպավորիչ կիրճ՝ հիանալու  ժայռերի << անկման>> ցնցող պատկերով: Բարձրաբերձ ժայռակտորների բնական պարիսպն  ստացել է «Քարերի սիմֆոնիա» անվանումը։ Գառնու կիրճի ֆանտաստիկ բնապատկերը ցնցում է մարդու երևակայությունը։

Կամընտրելի. Հայկական ազգային  ​​գործիքի՝ «Դուդուկ»-ի  երաժշտական  կատարում: Այնուհետև տեղացի երաժիշտը կնկարագրի դուդուկի ծագումը, բնութագրությունն ու սիմվոլիկան, հնարավորություն տալով  ամբողջությամբ զգալ  հարուստ ու հուզիչ երաժշտությունը: Դուդուկի ամենահայտնի կատարումներից մեկը ցուցադրվել է «Գլադիատոր» ֆիլմում, որտեղ նրա հոգևոր հնչերանգները հիանալի կերպով արտացոլում էին ֆիլմի հուզական խորությունն ու անժամանց գրավչությունը:

Ընտանեկան ճաշ հայկական ավանդական լավաշի պատրաստման ցուցադրությամբ:

Ուղևորություն դեպի արտակարգ գեղեցկության Գեղարդի վանք՝ 12-13-րդ դարերի հոգևոր կենտրոն, մասամբ փորված ժայռի մեջ: «Սուրբ Գեղարդ»  անունը բխում է սուրբ մասունքից, որով խոցվել է Քրիստոսի մարմինը խաչելության ժամանակ: Այն դարերով պահպանվել է այստեղ և այժմ գտնվում է Էջմիածնի Մայր տաճարի թանգարանում։ 2000 թվականին ՅՈՒՆԵՍԿՕ-ի համաշխարհային ժառանգության օբյեկտ ճանաչված այս ճարտարապետական ​​գոհարը ցուցադրում է Հայաստանի հարուստ հոգևոր և մշակութային ժառանգությունը:

Կամընտրելի. Ընդլայնեք ձեր այցը հոգևոր երգերի հմայող երաժշտությամբ: Զգացեք վանքի ուշագրավ ակուստիկան, ուր բյուրեղյա մաքուր հնչյունները հիանալի կերպով ներդաշնակվում են հնագույն քարե պատերի խորհրդավոր ներկայությանը:

Վերադարձ դեպի Երևան։

Գիշերակաց Երևանում: