Դպրոցական արձակուրդներ

Ժամանում։ Դիմավորում օդանավակայանում։ Ամրագրում հյուրանոցում։ Ճաշ ռեստորանում։

Շրջայց Երևանի տեսարժան վայրերով՝ հին (29 տարով ավելի հին, քան Հռոմը) և միևնույն ժամանակ ժամանակակից,  յուրահատուկ միջավայրով քաղաք, փռված ձյունածածկ գագաթներով Աստվածաշնչյան Արարատի   վեհաշուք համայնապատկերի ներքո։

Շրջագայության ընթացքում  դուք կծանոթանաք քաղաքի կենտրոնական հատվածին և նրա գլխավոր տեսարժան վայրերին՝ Հանրապետության հրապարակին, Հյուսիսային պողոտային,Աբովյան փողոցին, Մայր Հայաստան հուշարձանին, օպերայի շենքին և Կարապի լճին։

Կայցելեք    1915 թվականի Հայոց Ցեղասպանության զոհերի հուշահամալիր և Ցեղասպանության թանգարան։ Այն ոգեկոչում է 20-րդ դարի առաջին Ցեղասպանության՝ շուրջ 1,5 մլն արևմտահայության հիշատակը,որ ոչնչացվեց Օսմանյան կայսրությունում պետականորեն մշակված ծրագրով։

Զբոսանք Երևանի Կասկադ համալիրով՝ժամանակակից արվեստի գործերով և քանդակագործական կոմպոզիցիաներով զարդարված գեղեցիկ հանգստավայրում։ Կասկադի գագաթից բացվում է հիասքանչ համայնապատկեր դեպի քաղաք և Արարատ լեռ: Այստեղ է գործում հայտնի Գաֆեսճյան ժամանակակից արվեստի թանգարանը։ Հարմարավետ բացօթյա սրճարանները, արվեստի,մշակույթի շունչը սիրելի են դարձրել այս վայրը տեղացիների և մայրաքաղաքի այցելուների շրջանում։Կասկադը նաև հայտնի է ամառային բացօթյա համերգներով, որը ստեղծում է յուրահատուկ տոնական միջավայր հանգստացողների համար։

Ճաշ ազգային խոհանոցով հայտնի ռեստորանում։

Գիշերակաց Երևանում։

Նախաճաշ հյուրանոցում:

Ուղևորություն դեպի Գառնի գյուղում գտնվող Արևի Միհր աստվածությանն նվիրված գեղեցիկ հեթանոսական  տաճար (մ.թ. 1-ին դար): Կառուցված լինելով դեպի խորը կիրճ բացվող բարձունքի վրա՝ հելենական ոճին  բնորոշ ճարտարապետությամբ, սյունաշարով ամփոփված կառույցն բնության հետ ներդաշնակ ամբողջություն է կազմում և հիացնում իր գեղեցկությամբ։

Գառնիի ամրոցը ծառայել է իբրև Արշակունիների թագավորական տան ամառային նստավայր: 1679 թվականի ուժեղ երկրաշարժից ավերված տաճարը  վերականգնվել է 1969-1974 թվականներին: Պահպանվել են տաճարը շրջապատող ամրոցի պարսպի մի մասը,  թագավորական պալատի և բաղնիքի ավերակները: Հետաքրքիր է բաղնիքի խճանկարային հատակն իր վրայի հունատառ արձանագրությամբ. « աշխատեցինք՝ ոչինչ չստանալով»: Կան հունարեն գրություններ, որոնցից հետևում է, որ տաճարը կառուցվել է մ.թ. 77 թվականին Տրդատ I թագավորի (Արշակունիների արքայատոհմ) կողմից:

Ճաշ  գյուղական տանը՝  ավանդական տնական ուտեստների,մրգային հյութերի համտեսմամբ։

Դուք  հնարավորություն կունենաք դիտել թոնիրում  հայկական հացի՝ լավաշի պատրաստումը։

Այցելություն Սուրբ Գեղարդի հազվագյուտ ժայռափոր տաճար (12-13-րդ դարեր), որն անվանակոչվել է   այստեղ երկար ժամանակ պահված  Սուրբ Գեղարդի անունով, որով ընդհատեցին Քրիստոսի  տառապանքները (այժմ մասունքը  ​​գտնվում է Սուրբ Էջմիածնի թանգարանում): Տաճարը գտնվում է բարձր լեռներում՝ Ազատ գետի գեղատեսիլ կիրճում: Այն հայ միջնադարյան ճարտարապետության գլուխգործոց է: Համալիրը բաղկացած է գլխավոր եկեղեցուց, երկու քարանձավային եկեղեցիներից և դամբարանից: Առաջին քարանձավային տաճարում ժայռից բխում է սառը աղբյուր, որը մինչ օրս պաշտամունքի առարկա է: Համարվում է, որ սուրբ ջուրը բուժում է հիվանդություններ, երիտասարդացնում և գեղեցկություն է հաղորդում հավատացյալներին: Գեղարդի վանքը ներառված է ՅՈՒՆԵՍԿՕ-ի համաշխարհային ժառանգության ցանկում (2000):

Ուղևորություն դեպի  բարձրլեռնային Սևանա լիճ՝ Հայաստանի հրաշալիքներից մեկը։ Շլացուցիչ փիրուզագույն լիճը՝  լեռների գրկում իր վեհաշուք համայնապատկերով դեպ իրեն է ձգում ոչ միայն զբոսաշրջիկների և հանգստացողների, այլև ոգեշնչման աղբյուր է  շատ նկարիչների ու արվեստագետների համար։ Այցելություն Սևանա  թերակղզի, որի բարձունքում է միջնադարյան Սևանավանք վանական համալիրը (9-րդ դար)։ Այստեղից բացվում է լճի աննկարագրելի գեղեցիկ տեսարան։

Նախաճաշ հյուրանոցում։

Ճանապարհորդություն  Արարատյան դաշտավայրով դեպի Խոր Վիրապ։ Ողջ ճանապարհին Զեզ ուղեկցում  է հիասքանչ Արարատը, որը փայլում է իր երկու հոյակապ սպիտակ գագաթներով:

Այցելություն Խոր Վիրապ, քրիստոնեական կարևոր տաճար՝ ուխտատեղի։ Այստեղ է գտնվում զնդանը որտեղ 13 տարի բանտարկված է եղել Սուրբ Գրիգոր Լուսավորիչը: Սուրբ Գրիգորի ազատ արձակումը մ.թ. 301-ին բեկումնային պահ եղավ հայոց պատմության մեջ։  Հայաստանը դարձավ աշխարհում առաջին երկիրն, որն ընդունեց քրիստոնեությունը որպես պետական ​​կրոն: Բացահայտեք և զգացեք Հայաստանի ամենասուրբ և կարևոր քրիստոնեական  վայրերից մեկի խորհուրդն ու նշանանակությունը: Եկեղեցում պահպանվել է Սբ Լուսավորչի բանտախուցն,ուր կարելի է իջնել դեպի զնդան տանող աստիճաններով։

Խոր Վիրապին հարող բլուրների վրա է կառուցվել  Հայաստանի հնագույն մայրաքաղաք Արտաշատը, որը հիմնվել է մոտ 180 մ.թ.ա. Արտաշեսյան արքայատոհմի հիմնադիր Արտաշես Ա թագավորի կողմից։ Հատկանշական է, որ Արտաշատը այն սակավաթիվ հնագույն քաղաքներից է, որը կառուցվել է հատուկ նախագծով։Հատակագծի հեղինակն Կարթագենի նշանավոր զորավար Հանիբալն էր, ով ապաստան էր գտել Հայաստանում Հռոմի դեմ պատերազմում կրած պարտությունից հետո:

Այցելություն  Նորավանք վանական համալիր (13-15-րդ դարեր), որը միջնադարյան Հայաստանի ճարտարապետության ակնառու հուշարձան է,  կրոնական ու մշակութային խոշոր կենտրոն: Գտնվելով ոլորապտույտ կիրճի բարձունքին, արտասովոր գեղեցկության կարմիր ժայռերի մեջ համալիրն անջնջելի տպավորություն է թողնում բնության հետ իր ներդաշնակ միասնությամբ: Նորավանքի ամենահին հուշարձանը Սուրբ Կարապետ եկեղեցին է (9-10-րդ դարեր): Դրանից հյուսիս, 13-րդ դարում  կառուցվել է մեծ եկեղեցին որը նույնպես նվիրված է այս սրբին։ Տաճարը զարդարված է Մարիամ Աստվածածնի՝ մանկան հետ, Հայրր Աստծո, Քրիստոսի խաչելության քանդակներով, ինչպես նաև  եզակի զարդանախշերով պատված խաչքարերով: Բարձրաճաշակ կառույցի՝ Սուրբ Աստվածածին եկեղեցու առաջին հարկը ծառայել է իբրև դամբարան, երկրորդը՝ որպես աղոթատեղի: Հատկապես գեղեցիկ է շենքի արևմտյան ճակատը, դեպի  երկրորդ հարկ տանող կոնսոլային աստիճաններով:

Ճաշ կիրճի հիանալի տեսարանով տեղական ռեստորանում, որտեղ կարող եք համտեսել թոնիրում պատրաստված հյութալի հավի խորոված։

Գիշերակաց Երևանում

Նախաճաշ հյուրանոցում։ Հյուրանոցային համարների հանձնում։

Էքսկուրսիա Մատենադարանում՝ Սուրբ Մեսրոպ Մաշտոցի անվան հին ձեռագրերի ինստիտուտում։ Մատենադարանը աշխարհի ամենամեծ հին ձեռագրերի պահոցներից  է։ Մինչ օրս հավաքածուն շարունակում է աճել։ Աշխարհի տարբեր ծայրերից ժամանած հայկական սփյուռքի ներկայացուցիչները զգալի ներդրում են ունենում  համալրման գործում։ «Մատենադարան» բառը բաղկացած է երկու բառից՝ մատեան (ձեռագիր, գիրք, ձեռագիր) և դարան (գաղտնարան, պահեստ)։

Այցը  Հայաստանի պատմության հետ առնչվելու հետաքրքիր հնարավորություն է զբոսաշրջիկների համար։

Ուղևորություն դեպի Էջմիածին (Վաղարշապատ)՝ Հայաստանի հին մայրաքաղաքներից մեկը։ 4-րդ դարից մինչև մեր օրերը Էջմիածինը եղել է ամենամեծ կրոնական կենտրոններից մեկը և բազմաթիվ դարեր հանդիսանում է Հայ Առաքելական Սուրբ եկեղեցու առաջնորդի՝ կաթողիկոսի  ​​նստավայրը։  Այցելություն Էջմիածնի Մայր տաճար, որն ՅՈՒՆԵՍԿՕ-ի Համաշխարհային ժառանգության վայր է,  հիմնադրվել է մ.թ. 301 թվականին Սուրբ Գրիգոր Լուսավորչի կողմից: Տաճարն  քրիստոնեական աշխարհի հնագույն եկեղեցիներից մեկն է: Հետագայում այն ​​վերակառուցվել է և ներկայումս գործում է որպես համալիր՝ ներառելով Մայր տաճարը, Հոգևոր ակադեմիան, Ամենայն Հայոց Կաթողիկոսի նստավայրը, Հայ Եկեղեցու Սինոդը և գրադարանը։ Տաճարի թանգարանում պահպանվում են Սուրբ Պատարագի սպասարկման  պարագաներ, ոսկուց, արծաթից, թանկարժեք քարերից  զարդեր, գավազաններ, մյուռոնի պատրաստման հսկայական արծաթյա կաթսան և Սուրբ Գեղարդը:

Այցելություն «Հայ միասնության խաչ» բարեգործական մշակութային և ստեղծագործական կենտրոն։ Ճաշ։

Այնուհետև  ճանապարհն տանում է Հայաստանի ճարտարապետական ​​հրաշալիքներից՝ Զվարթնոցի տաճար: 641-661թվականներին կառուցված այս գլուխգործոցն  իր անվանումն ստացել է «Զվարթ» բառից և հայ ճարտարապետական մտքի թռիչքն է մարմնավորում: Եռաստիճան կառույցը հենվում էր արծիվների պատկերներով հսկայական սյուների վրա, զարդարված  քանդակազարդ խաղողի որթերով և  նռան ճյուղերով։ Պահպանված բեկորներն անգամ պատկերացում են տալիս տաճարի հազվագյուտ գեղեցկության մասին։ Զվարթնոցն ներառված է ՅՈՒՆԵՍԿՕ-ի համաշխարհային ժառանգության ցանկում (2000 թ.):

Տեղափոխում օդանավակայան և մեկնում։