Ջիփ տուր + մշակույթ

Նախաճաշ հյուրանոցում։ Էքսկուրսիա Երևանի տեսարժան վայրերով՝   Հանրապետության հրապարակ, Պետական ​​համալսարան, քաղաքի գեղեցիկ համայնապատկերի դիտում Կասկադի բարձունքից, Մայր Հայաստան հուշարձան, կարճ քայլք Հաղթանակի զբոսայգում՝ հայ-հրեական բարեկամության ծառուղով, Կասկադ հանգստավայր, խորհրդարան, Նախագահի պալատ, օպերայի շենք,այցելություն Հոլոքոստի հուշարձան և հրեական սինագոգ: Զբոսանք  Մարզահամերգային համալիրի մոտ, այցելություն 1915 թվականի Հայոց ցեղասպանության զոհերին նվիրված  հուշահամալիր և Ցեղասպանության թանգարան։

Այնուհետև ուղևորություն դեպի Գառնիի Հայաստանում եզակի հեթանոսական տաճար, նվիրված Արևի աստվածությանն՝ Միհրին։ Տաճարն կառուցվել է մ.թ. 77 թվականին Տրդատ թագավորի (Արշակունյաց հարստություն) կողմից։ Ճանապարհին՝ լուսանկարվելու նպատակով, կանգառ Չարենցի կամարի մոտ, որտեղից բացվում է գեղեցիկ տեսարան դեպի Արարատ և շրջակա բնություն։ Տաճարը հունա-հռոմեական ոճի է՝ բնորոշ սյունաշարով։ Այն հպարտորեն կանգնած է ժայռոտ ելուստի վրա՝ որտեղից բացվում է դեպի անդնդախոր կիրճ  գեղեցիկ տեսարան։  Ամրոցն Արշակունի արքայատոհմի ամառային նստավայրն էր։ Այցելություն մոտակա թագավորական պալատի և թագավորական բաղնիքի ավերակներ։

Ծրագիրը ներառում է ընտանեկան ճաշ գյուղական տանը և  թոնիրի մեջ ավանդական հայկական հացի՝լավաշի  պատրաստման գործընթացի դիտում։

Գիշերակաց Երևանում։

Նախաճաշ հյուրանոցում։ Ուղևորություն  Արարատյան դաշտավայրով։ Այցելություն Խոր Վիրապ վանական համալիր՝ որտեղ  հայոց թագավորի կողմից մեղադրվելով քրիստոնեություն քարոզելու մեջ՝ 13 տարի, խոր զնդանում, բանտարկված է եղել Սբ Գրիգոր Լուսավորիչը։  Այն քրիստոնեական աշխարհի սրբավայրերից մեկն է։ Այստեղից  բացվում է հիասքանչ  տեսարան դեպի Բիբլիական Արարատ լեռ, որ փայլում է իր երկու ձյունափառ գագաթներով։ Խոր Վիրապի շրջակա բլուրներում է կառուցվել Արտաշեսյան Հայաստանի շքեղ մայրաքաղաքը՝Արտաշատը։ Այն  հին աշխարհի սակավաթիվ քաղաքներից  է, որը կառուցվել է հատուկ նախագծմամբ՝  Կարթագենի նշանավոր զորավար Հաննիբալի հեղինակությամբ,որն Հռոմի դեմ պատերազմում պարտությունից հետո  ապաստան էր գտել Հայաստանում։

Շրջագայության շարունակում դեպի Արենի գյուղ, գինու համտես տեղական գործարանում։ Արենին հայտնի է իր գինեգործության պատմությամբ։  Վերջերս կատարված հնագիտական ​​պեղումների ժամանակ հայտնաբերվել է 6100 տարեկան գինեգործարան և 5 գինու մառան: Հնագետները հայտնաբերել են խաղող քամելու, գինի խմորելու և պահելու համար նախատեսված տարաներ, խմելու բաժակներ, խաղողի որթեր և սերմեր։ Այս գտածոները վկայում են հնագույն գինեգործության բարձր մակարդակի մասին Հայաստանի տարածքում:

Ճանապրհորդության հաջորդ նպատակակետը Նորավանք (13-14 դդ.) վանական համալիրն է։ Ուղևորությունն անցնում է  անհավանական գեղեցիկ կարմրագույն ժայռաբեկորներով ամփոփված լեռնային ճանապարհով և այնքան տպավորիչ է,որ  այցելուները չեն կարողանում դիմադրել մեքենայից դուրս գալու, լուսանկարվելու և  քայլքով դեպի վանք բարձրանալու գայթակղությանն։

Այնուհետև մեկնում Վայոց Ձորի Եղեգիս գյուղ, տեղավորում հյուրանոցում:

Գիշերակաց Եղեգիսում:

Նախաճաշ հյուրանոցում։ Մեքենայով ուղևորություն դեպի Եղեգիս գյուղ՝ XIII-XIV դարերում Պարսկաստանից Հայաստան եկած հրեական համայնքի հին բնակավայր։ Այցելություն մոտակայքում գտնվող գերեզմանատուն։  Հրեերեն և արամեերեն լեզուներով 62 տապանաքարերն ո թվագրվում են XIII դարի 50-ական թվականներից մինչև XIV դարի սկիզբը և պատմագիտական մեծ արժեք են ներկայացնում։

Այնուհետև զբոսանք դեպի Զորաց տաճար։ 14-րդ դարում կառուցված սրբատեղին գերում է՝ իր յուրօրինակ կառուցվածքով։ Քայքի շարունակում դեպի Սմբատաբերդ՝միջնադարյան Հայաստանի անառիկ  ամրոցային համալիր։

Զբոսանքից հետո ուղևորության դեպի Ցախաց քար՝ 10-13-րդ դարերի վանական համալիր։

Հանդիպում տեղացիների հետ և հյուրընկալություն Արտաբույնքի գյուղական ընտանիքում։

Այցելություն Շատիվանք՝ 10-րդ դարի վանական համալիր, հայ գրչության կարևոր կենտրոն։ Շատին գյուղում կարող եք հանդիպել բնական միջավայրում ապրող բեզոարյան այծերի և հիանալ Արատեսի միջնադարյան  վանական համալիրի ավերակներով։

Վերադարձ հյուրանոց։

Գիշերակաց Եղեգիսում։

Նախաճաշ հյուրանոցում։ Ուղևորություն դեպի Եղեգնաձոր և այցելություն Երկրաբանական թանգարան։ Այնուհետև շչջագայության շարունակում դեպի Ագարակաձոր գյուղ։ Ծանոթացում Արփա գետի վրա  13-րդ դարում կառուցված կամրջի և Գռավ գետի՝ հանքային ջրերի աղբյուրի հետ։ Այցելություն Գնիշիկ գյուղ, որտեղ կծանոթանաք Ազգային պարկի բույսերի և կենդանիների բազմազանությանը։

Վերադարձ հյուրանոց։ Գիշերակաց Եղեգիսում։

Նախաճաշ հյուրանոցում։ Ուղևորություն դեպի Սևանա լիճ։ Ճանապարհին այցելություն Սելիմի լեռնանցքում կառուցված միջնադարյան կեցավայրի՝ Քարավանսարայի հետ։ Սևանա լիճը  Եվրասիայի ամենամեծ բարձր լեռնային քաղցրահամ լճերից մեկն է։ Կարող եք բարձրանալ  թերակղզի և բարձունքում կառուցված Սևանավանք, որտեղից բացվում է դեպի շրջակա լեռներ և փիրուզյա լիճ՝ գերող համայնապատկեր։ Կանգառ լուսանկարվելու համար։

Վերադարձ դեպի Երևան։ Գիշերակաց Երևանում։